الخميس، 25 أغسطس 2016

3:04 م 0


رجلي ماشي رجل !!
هي تحكي وتقول....
هاذ الصباح غير كل الصباحات اللي دازوا هاد الصباح انا حرة هاد الصباح انا ناعسة في دانا والاهم من هاد الشي كامل هاد الصباح انا مطلقة فقت ماشي كيف ما العادة فقت على غوات ماما: انوضي براكة عليك من االنعاس خمرتيي خنزتي البيت وانا ترجع بي الذاكرة ششوية اللور كنت نفيق الوقت اللي بغيت برنة وحدة من الجرس الخدم والحشم كيجيوا يجريوا هالللي موجد ليا الحمام ها الي موجد البينوار وها الي جيب ليا الفطور والكواففورة وستايليش حق املابس هاد الشي كامل غير باش نبان الزوجة المغربية الجميلة والسعيدة لراجلي سمحوا ليا بغيت نقول راجلي السابق اللي كان راجل غير في الشكل واللبس واللي شافنا كان يحسدنا يقول سعادتها احسن عيشة وافخم بيت واروع زوج هما اللي عند غيثة وانا كنضحك ...
ربي اللي عالم بيا المهم وباختصار هو كان خليجي رجل اعمال تعرفنا في الطائرة بحكم عملي كممضيفة طيران ..مدة التعارف كانت قصييرة ماكتعداش 3 اشهر حتى كنتفاجا واحد الننهار كانت عندي رحلة من مطار دبي لمطاركوالالمبورخدامة ماعلية ما بيا حتى طلقت واحد الاغنية ديال برونو مارس اي ثانك اي وانا ميري يو ياالله كنقلب على مولاها نطلب منو ينقص او يدير السمعات ما جيت فين نوصل ليه حتى جلس على ركابيه وقال ليا ححبيبتي تتزوجيني؟؟؟ صصافي انا ديك الساعة الساعة تخلطوا عيني بالبكا ماعرفت واش بالفرحة او الخلعة والطائرة اغلب الركاب كانوااجانب سهيت وبقيت كنسمع شي بنات وولاد كيقولوا come on please say yes ........ ما بقيت عرفت نقول اه ولا لا وانا كنشوف داك الخاتم كيلمع ديال دياموند وانا عمرني في حياتي كنت نحلم نلبسوا...
وبدون سابق انذار ماحسيتش براسي حتى قلت ليه اه موافقة هو بالفرحة طار وضربها ليا بتعنيقة وكلشي فرحان وكيصفق حسيت براسي وسط عائلتي. صافي مللي دوزت يومين في كوالالمبور كانت احسن واروع يومين عشتها في حياتي ومالحظت فيها حتى شي حاجة غريبة كيبان شخص رومانسي للغاية وظريف وعشت دوك يومين ولا بالأحلام واتفقنا مللي غنرجع المغرب غيدوز اسبوع غيجي هو ودارهم باش نديروا العرس.صافي انا رجعت وهو مشى وكان كل دقيقة كيتصل الو وينك؟ الو ش'تسوين الو الو المهم عادي وانا ديك الساعة باركة كنوجد وكنشري الحوايج وماما فرحانة معايا حيت انا اللي عندها من بعد ماتوفى الواليد المهم كنت فين ما نرن عليه يقطع عليا ويتصل هو ويقول ليا اش خاصك كنقول ليه خاصني كذا وكذا باش نشري هادي كيقول ليا تفداك الدنيا وما فيها انا تعماوا ليا العينين مابقيت عارفة راسي واش انا كنحلم ولا بالصح ..
عايشة كنمشي لوستر يونيون كنلقاه راسل ليا بالمليون بالزوج حتى تلفت مابقيت عارفة اش ندير بالفلوس وانا كانت خلصتي في الشهر ماكتفوتش 8000 درهم كتمشي تقريبا غير في الكرا والحويج والماكلة والمكياج وكنرسل لماما شوية منها وكنخلي شوية للزمان او ووليت كنشد غير بالمليون وبالزوج!!! ماعلينا شديت اوعر طريطور في كازا وريزيرفيت اوعر صال واحسن كوافورة وخيطت اخر ماجد وجد في التكاشط واحسن نكافة والجوق اشكال انواع المهم داز الاسبوع وفعلا جا هو ودارهم وكانوا جالسين في اوطيل وقال ليا راه والديا جايين يشوفوك صافي ختكم تلفات وتخلعت عيطت لبنات خالتي درت معاهم يمشيوا معايا للصالون هزيت طوموبيلتي ومشينا لجاك ديسونج قدينا الحالة ورجعنا وماما رجعت للدار لقيت كلشي متول طوابل الاكل الحلويات كلشي هو هذاك. ..
شوية وهو يتصل الو انا حدا البلاصة الفلانية شي حد يجي يجيبنا رسلت ولد خالتي مشى جابهم ايوا هانا كنسمع الباب تحل استقبلتهم ماما وخالتي مرحبا مرحبا طلعوا جلسوا خرجت انا شفتو كنت غنسخف واو على زين واو على شعر رطب واو على بشرة ناعمة و لحية مرسومة وكحلة تقولوا غير موشومة سلمت وسهيانا وشفتي مو وهي تقول هلا بالغالية ماشاء الله مثل ماوصفك وليدي انا فرحت حنيت عرفت راسي عجبتها في الحقيقة انا مزويناش بالزاف وماخيباش بالزاف وبحكم عملي كمضيفة كنت كنضطر ندير المكياج بالزاف وعييت ومشيت درت شوية التجميل شد الوجه الكولاجين وشوية تاع البوتوكس مامعيقش بالزاف ولكن مللي كندير المكياج كنبان فشييي شكل انا كيعجبني راسي بالاحرى وليت تيقة في راسي ولقيت باللي حتى هما عندهم التجميل بحال الى غادا صالون للحلاقة الام
تعارفت على ماماه وكانوا زوج خوتوا وزوج خواتاتو صافي دازت ديك الليلة روعة تعرفنا ضحكنا وكلشي داز مزيان حاجة وحدة كنت امو ديما تنوض وتقول ليهم كلموا لي فهد لحد الساعة نسيت مقتليكمش كان سميتو فهد .. كلشي كيبان عادي وما كينا حتى شي حاجة اللي بانت وغتخليني نرفض الزواج منو من بعد ما دازت الليلة اللي تعرفوا عليا دارهم كان الاثنين والعرس كان السبت صافي ديك الليلة جا العدول وتكتبنا وشرط عليا شرط وحيييد اني مانبقاش نشتغل مضيفة فرحت ومافرحتش فرحت حيت كانت عاجبني العمل ديالي لتعرفي على ناس اشكال وانواع كتسافري بلدان كثيرة وفرحت حيت غنتهنى من ثمارة مريسكيا بحياتي و شعري طاح مع الضغط البشرة خاصني نبقى مراقباها باش متجفش وعاد شي قماقم غنتهنى من تلواطهم وهضرتهم اللي دون المستوى ومن كلمة وغير سربايا في السما قبلت وخديت مهري كان خيالي وكانوا جايبين ليا 5 ديال الاطقم واتفقنا انه السبت مللي غنديروا العرس في الصباح غنمشي مافهمتش علاش قلت ليه حتى ترتاح ونهار الاثنين سير قال ليا لا لا عندي بالزاف الاشغال وقالي غيبقاوا زوج خواتاتوا صافي انا مالاحظت حتى شي حاجة وكان داك الشي كيف ما تفقنا عليه داز العرس الف ليلة وليلة والعائلة كلشي تبهضوا كيفاش انا ومنين طحت على هاد الدجاجة بكمونها المهم حسيت كلشي اللي في داك العرس حاسديني من خلال الحوار وتوشويشهم دايز هاكا دازت الليلة واعرة ... نهار الاحد هو مشا وخلا ليا الفلوس باش نسافر انا وخواتاتوا ومن بعد وعدني انه غيسفرني لشهر العسل فين ما بغيت صافي انا قلت ليه شغلك هو الاول مشى ورجعنا حنا سافرنا ودوزنا واحد
نهار الاحد هو مشا وخلا ليا الفلوس باش نسافر انا وخواتاتوا ومن بعد وعدني انه غيسفرني لشهر العسل فين ما بغيت صافي انا قلت ليه شغلك هو الاول مشى ورجعنا حنا سافرنا ودوزنا واحد 15 يوم واعرة غير في المغرب لويساتي ماكانوش كيتخيلوا المغرب زوين هاكا ورجعنا في حالنا جا اليوم الموعود اللي غنمشي وطلبت ماما تمشي تعيش معايا عيت معاها مابغاتس والحمد لله مامشاتش وهنا في غتبدل حياتي 180 درجة مللي حطيت رجلي في دارهم. كان استقبالهم وااااعر الخدم والحشم ماكانش كيحساب ليا غنعيش هاد العيشة كاملة عندهم فيلة على شكل قصر المهم داز نهار زوين طلعت وروني الجناح دخلت البيت لقيت الورد والقلوب وهو كيعنق فيا وماقاداه فرحة حسيت براسي اميرة وليقت مموجد ليا الكدوات والحويج صافي قال ليا مخليك ترتاحي انا دوشت لقيت كلشي موجود ونعااااااااااست حيت كنت عيانة من السفر ..
صافي هديك العشية نعااااااست مع التعب ديال السفر مافقت حتى للصباح نضت مالقيتوش حدايا مشيت للدوش نشفت شعري درت مكياج خفيف مامعيقش وخرجت لقيتو واقف عند باب الحمام وهاز في يديه قال ليا هادي اول مرة كنجيب فيها شي حد الفطور انا دسرت وقلت ليه مانستاهلش وهو يقول لي تستاهلي واكثر ولكن مرة الجاية بهاد الجرس رنة وحدة منو يجيك اللي بغيتي وانا مامولفاش شي حد يخدمني ويوجد لي الاكل من غير يدين ماما لاغير وقال ليا باللي كينوض صباح بكري باش يمشي للشغل و ويومين في الاسبوع سفر للعمل قال ليا ديما هاكا حياتنا فتبقى جاني هاد الشي عادي قلت ليه اوكي نيت حتى انا نسافر معاه قال ليا لا لا كيكونوا الرجال ومانبغيش شي حد يشوف فيك قلت ماعليش غيرة راجل وصافي ومرة مرة كنتلح عليه نبوسو كنبغي نتقرب ليه راجلي زعمة حلالي وكان فين ما نبغي نتلاح عليه كيعنقني من الفوق وكيبعاااااد من لتحت انا قلت واقيلة غير حشمان صافي واحد اللحظة دقت امو قلت ليها تفضلي دخلت وبدات تعنق وتبوس وفرحانة بينا ماقداها فرحة شايفة ولدها متزوج قالت لينا امتى غتسافروا لشهر العسل وهو ينقز ليها لا لا ما في عسل دحين خليها بعدين قلت ليه علاش واخة غير اسبوع ونقز قال ليا اسف والله عندي شغل ومواعيد ووووو....
انا قدرت الظروف وقلت ليه خليها من بعد ماتخلص شغلك وقالي ليا فديتك حياتي وباس راس امو وراسي وخرج ودار وقال ليا الى محتاجة شي اتصلي بالسواق صافي مشى انا هبطت كندور في ديك الفيلا واواواواواواو بقيت غير حالا فمي وفي نفس الوقت مابغيتش نبين ليهم باللي عمرني شفت بحال هاد الخير صافي دازت شهر وماعمرني عقلت على راسي انا وراجلي درنا شي حاجة اللي كنعقل عليه وهو انه كيكون متكي حدايا منجي فين نقترب ليه حتى كنلقى راسي حليت عينيا وصبح الحال واو بالزاف هاد الشي لههاد الدرجة وليت كنسى الزهيمر هادا ولا شنو ومللي كنفيق الصباح تيقول ليا دوزنا ليلة واعرة عمرني كنت كيحساب ليا نتي واعرة هاكا وانا والو مابغاتش دخل ليا هاد القضية لراسي..
المهم فين ما كنفيق كنلقاه حاط ليا دمسة ديال الفلوس يمكن كلن كيبغي يتلفني بيها وفعلا الطمع عماني ومابقيتش كنتسوق ليه غرضي لوحيد هو اني نخرج للمولات ونشري لماركات ونعيق على بنات عائلتو اللي فاش كيكونوا جايين تقول غير شي اسرة ملكية داخلة اش من عبايات وشيلة غير ليمارك وغير كيحلوا دوك العبايات وتشوفوا اللبس صافي حتى انا تاقلمت مع داك الجو وليت كنمشي غير المجوهرات والماكانات السيني والروايح السيني كانوا حتى هما كيشوفوني كيحلوا فمهم ماعلينا دازت المدة وعيت بغيت حتا انا نحس براجلي ونديرو شي ليلة رومانسية داك النهار قلت للخدم ماطلعوش وخا يرن عليكم وجدت اكل مغربي بيدي كلشي على حقو وطريقو جناحي من الدخلة ديالو كله ورود وقلوب وشموع والحالة حالة وانا لبست وتكشخت والقيامة اتصلت بيا عدوزتي قالت ليا الله يرضا عليك يابنتي والله يوفقكم صافي مع قطعت بانو ليا ضواو الحديقة شعلوا والباب تحل وسيارتو داخلة كانت الوحدة ديال الليل مع طلع كيبان ليه الجناح مضوي دخل تفاجا قال ليا وش مسوية في حالك مافهمتش قالت ليه مالك عادي الرومانسية وهو يقول ليا غير نعسي انا تعبان ..
مشيت الحمام بقيت كنبكي وهو عارفني كنبكي ودخل عندي بدا كيحزر فيا وانا طاح عليا الضيم وحسيت بالغربة وتوحشت ماما وبدا كيسكتني يالله نوضي نوضي نعيشوا هاد الرومانسية وبديت عليه بعد مني انا من نهار جيت ماعمرك تقربتي مني وهو ييقول ليا خلاص خلاص سكتي اجي نتعاشاوا المهم مشينا تعشينا جمعت داك الشي وانا نقول ليه يالله ندوشوا ندير لك حمام مغربي قال ليا لا لا انا غنسبقك بين ماجمعتي الدنيا صافي انا جمعتها بغيت ندخل للدوش لقيتو مسدود وهو يقول ليا دقيقة ونخرج وهو يخرج وبان ليا ملوي فوطة قلت بالصحة وهو يقول لي الله يعطيك الصحة بالمغربية زعمة محن دوشت وخرجت ونا نلقاه طافي ضواو قلت ليه شعل الفيوزات قال لي غنشعلهم حتى تجي ونطفيهم قلت ليه اوكي واقيلة غير حشمان المهم دوزنا ديك الليلة في الظلام واخا ماعجبنيش الحال كان داك الشي غريب الجهاز العضوي ديالو كان في شكل وكان ضروري ماكيبقى شدو بيدو وماكيخلنيييش نقيصو بيدي المهم ديك الليلة كانت في شكل حتى حد فينا ماستمتع وهاد الشي كامل في الضلمة قلت صافي عادي هاد الشي كيوقع اول مرة ..
المهم هادوك الايام حياتنا بقات هاكا دايرة على هاد السيدي الاتنين والثلاثاء معايا كيجي من الخدمة للدار وكنخرجوا الاربعاء والخميس كيسافر قالك سفر ديال العمل الجمعة كيجيوا العائلة وكنديروا حفل الباربيكيو والفيلا كتكون عامرة السبت والاحد مرة كيمشي يخرج مع اصحابوا مرة لا المهم هو معمر وقتو باش يحاول ما امكن الوقت اللي يمشي نكون ناعسة والوقت اللي يجي نكون ناعسة المهم صبرت ودازت الايام وماعمر المبادرة كانت كتجي منو ديما انا اللي خاصني نبدا وكنت ديما في الضو ماطفي وماعمرو تعرا قدامي وانا في بالي كنت ديما كنقول راه غير كيحشم يمكن كنت كنبرد على راسي واحد النهار دخلت للخزانة ديال الملابس بديت كنبقش بعدا من عودش لكم صف ديال لماكانات غير ديال سويسرا والنظارات السيني والكرافا
بديت كنبقش بعدا من عودش لكم صف ديال لماكانات غير ديال سويسرا والنظارات السيني والكرافاطات والقمصان هاد الشي والله ما كنفشر عليكم بغيت نوصل لكم غير ديك القضية ديال المظاهر خدااااعة واحد اللحظة بان ليا واحد رف عالي جبت واحد الكرسي بقيت كنتعلا باش نوصل لواحد الصندوق بقيت نتعلى وانا نجبدوا وناااري وعباد الله تصدمت دارت بيا الدنيا قلت غيثة تكلماي بشوية عليك ونيت باش تفهمي هاد الهروب مناش كاين وعلاش تخيلوا كنلقى تصاور ديال راجلي مللي كان عندو 16 عام 17 وحتى تصاور مللي كان صغير مربي شعر وكان بحال شي بنت يارب تسمح ليا كان رطب بحال شي بنت تماااااااما ولابس حوايج ولاد ولكن في شكل والبوزات مبنتين وشي وراق بحال الرواسا مهم مافهمت والو كلمة وحدة اللي فهمت هي حقن هرممون التستوستيرون حيت كان كلشي بالانجليزي وبوحد الخط غريب مامفهومش واحد اللحظة بان ليا صندوق اخر بديت كنتجبد باش نوصل ليه وانا نحس بالباب تحل ماملفاش ليه يجي في هاد الوقت بغيت نهبط بالخلعة مابغيتوش يحصلني في الخزانة ديالو وانا نقز طحت على رجلي وانا نغوت وندت درت راسي كنت كنخمل و طحت من الكرسي زعمة راه كنت غادة وتلوات رجلي جا كيجري مالك مالك وانا كنغوووووووؤوت مافهم والو اتصل بامه جاوا اتجمعوا ماقدرش حتى واحد مازال يفهم شنو ..
بققيت غير كنغووووت انا بحر الالم اللي في رجليا وبالفقصة ديال التصاور كنغووووووت اتصلوا بالاسعاف جاوا هزوني دقوا ليا واحد البرا نعست ماحليت عيني حتى لقيت راسي في المستشفى الامريكي وهما دايرين بيا سلامتك ما سلامتك مجرد كسر بسيط.. ماعلينا خارجين من المستشفى قبل من نخرج انا من الغرفة كنسمع فيه كيتكلم مع شي طبيب كيسولوا واش نجحت ليه اخر عملية اللي كان دار وهو كيجوبوا الحمد لله كلشي تبدل على قبل للاحسن والتصحيح داز على مايرام وهاد الشي داروا قبل مانتزوجوا ولكن مازال ماكمل تصحيح التشوه الخلقي و حقن التستوستيرون وانا ضرب ليا في راسي الطن هما اللي طحت على قبللهم ويمكن على هاد السبب مابغيش يشعل الضو وماباغيش يمارس حياتو الزوجية معايا بشكل عادي المهم مابينتش شافوني خرجت وقلبوا الهضرة وقال ليا سلامتك ضحكت الضحكة الصفرة وخرجنا جينا للدار ولقيت الخدم موجدين ليه حويجوا مع العلم انا كنت موصياهم مايدخلوش الجناح ديالي من غير لابغاوا يجيبوا الاكل صافي وقال ليا راه جاني سفر فجاة وخصني نمشي قلت ليه نمشي معاك قال ليا لا مرة اخرة غادي نطول شي 10 ايام ارتاحي انتي صافي قلت نبقى نبقشش تاني ربما نتصدم في شي حاجة اخرى غير هو مشا و انا حاولت النوض نضت ولكن ماقدرتش نتمشى وماقدرتش نطلع في الكرسي بسبب الجبص اللي في رجلي واحد اللحظة امه اتصلت بيا قالت ليا جاوا عائلتهم يشوفوني طلعوا استقبلتهم وواحد بنت خالتو ماعرفتش اش كانت باغى توصل ليا من خلال كلامها كانت بحال الى بغات تقول ليا باللي راجلك كان مبنت ولامانعرف شنو مثلا بدات كتعاود ليا مللي كانوا صغار
كانوا كيعوموا في الحمام مع بعضياتهم و كان كيدير الماكياج وانا غكنسمع ماتصوقتش ليها قلت يمكن حيت قد قد في العمر ومداخلين مع بعضياتهم واحد اللحظة وهو يرن تلفونها دايرة واحد الاغنية فيها طلع رجال وهو يتقطع التلفون وهي تبدا تضحك قالت ليا تخيلي هاد الاغنية لمسكين حب واحد وليلة الدخلة لقاها راجال وبدينا كنضحكوا ومو كتشوف فيها وكتخنزر بحال الى كتقول ليها جمعي راسك وهي تعيط على الشغالات جابوا لينا القهوى والحلوى صافي مو وهي تلف الهدرة المهم مشاوا وانا نتكى وتفكرت هضرتها وقلت مالها كضرب في المعاني ياك ماعارفة شي حاجة ومخابياها وكانت فين ما تهضر اخر كلامها كتقول راحت عليك يالمغربية اواااااه هاد ختنا اش كتقصد بكلامها وفين باغة توصل وفي نفس الوقت كنربط الاحدات بهضرتها تفكرت انه الجهاز ديال غير طبيعي والضو مطفي وقت الممارسة و عمرني شفوا عريان وحقن التستوستيرون وهضرتوا مع الطبيب هاد الشي كامل خلاني نرجع حسباتي وحطيت احتمال كبير مابين 3 ديال الحويج يا اما ماشي راجل وعندو عجز ..
يا اما ماشي راجل وعندو عجز كامل وياريت كون كان هاكا نصبر عليه حتى يفرجها مولانا يا اما خنثى وصحح راسو ودار حقن هرمون الذكورة وهذا هوا الاحتمال الكبير يا اما بويا يعني بنت مرجلة صافي هنا شدتني الدوخة اقسم بالله البنات الى نضت وبقيت كنضرب في وجهي ومنقمش في شعري واحد الحالة هستيرية جاتني واقلة واخا نضل نحكي لكم ماغتحسوش بيا وليت كنقول ياربي مايكون عندو غير عجز ياربي نصبر معاه حتى واحد اللحظة طحت حتى لقيت راسي حطيني في السرير وكيسولوني مالكي اش جرى وانا غير كنشوف وعينيا في السما مغرغرين.. شفتني حماتي بحال الى حسات بشي حاجة ماشي حتى لهيه مابغيتش نعيق وقلت صبري ياغيثة حتى تلقاي الدليل وقلت ليها والو غير توحشت ماما وهي تقول ليا واش نبعت ليها زيارة قطعتها قلت ليها لا لا بلاش غتخلع عليا وهي تقول ليا نوضي سرحي رجلك شوية قلت ليها لا غنعس كنحس براسي عيانا خرجت حماتي وبقاوا لويساتي وسلفاتي كيضحكوا معايا تيقولوا ليا شكلك حامل يالمزيونة وانا عارفة راسي ماحاملاش وهما ماعلى بالهمش باش كنحس ناضوا وخلاوني وانا نسد الباب ورجعت للخزنة كنقلب مالقيتش هادوك الصندوق اللي فيه التصاور وايلي كانوا هنا وماكين اللي غيهزهم من غيرو حرت ياكما عاق بيا ياكما داير شي كاميرا في الخزنة وشافني وبديت كنفكر
ياكما عاق بيا ياكما داير شي كاميرا في الخزنة وشافني وبديت كنفكر فين غيكون حولهم اتصلت بالشغالة المسؤولة علي جناحنا وجات لعندي سولتها قالت ليا بابا طلب مني اوراق صندوق احرقهم فهمتت منها انها قال ليها حرقي لوراق اللي في الصندوق وانا نسولها على الصندوق لا خر ماعرفتش وعرفت باللي هو اللي مخبيه بقيت نقلب نقلب تحت السرير في الخزنة ديالي حماماتنا وااالو او كيفاش زعمة كيهز معاه داك الصندوق لاخر لمهم قلت نخلي حتى يجي ونحضيه الغد قلت لهم بلعاني غنمشي نندير كنطرول على رجلي وخا غير 9 ايام اللي دازت على الحادثة وانا غرضي هو اني نمشي نشري كميرة طلبت مني حماتي تمشي معايا قلت ليها لا لا في نفس الوقت اتصل بيا قلت ليه انا غنمشي ندير كنطرول اتصل هو بالسواق ووصاه فعلا وصلني للمستشفى دخلت من باب وخرجت من باب تاني وخديت طاكسي لاقرب محل كيبيع الكميرات ورجعت للمستشفى. ولقيت السواق مازال كيتسناني في نفس المكان غير وصلت للدار نسيت الم رجلي وطلعت كنقز درجة درجة شافتني حماتي قالت ليا طلعي في المصعد قلت ليها لا لا بغيت نحرك رجلي شوية ..
انا غير بالفضول بغيت امتى نوصل لجناحي غير وهي تقول ليا راه موجدة لك شي مفاجاة غتعجبك غير حليت الباب وانا نلقى راسي في عالم اخر هذاك السويت تغير 180 درجة على كيف كان من قبل فراش جديد سرير جديد كلشي تبدل نسيت الكاميرة وعلاش شريتها هبطت كنجري وانا نلقاها كضحك قلت ليها اش واقع قلت ليا سيري ديري حمام مغربي وجودي راسك وكشخي على حالتك انا مافهمت والو وهي تقول ليا راجلك راه غدا جاي قلت ليه اه عرفت قالت ليا مابغتيش تهلاي في راسك يجي ويلقاك نتي مزيونة قلت ليها واخة واخا عارفة راسي واخة ماعرفت اشنو غنلبس ماغيحرك فيه والو كيف العادة ماعلينا مشيت درت حمام مغربي وانا مقنزعة رجليا وملوين عليها البلاستيك باش مايدخلش لما وتلاقيت مع بنات بلادي وشحال فرحت وبداوا كل وحدة كتحكي همها وكيف وصلهم لحال لهاد لبلاد السعيدة وفي خاطري كنقول ليهم غير سكتوا كون عرفتوا ماا بيا كون بقيتوا حلين فمكم كملت الحمام ورجعت للدار ولقيتها شارية ليا شي لباس شوميز ذو نويي كلشي من فيكتوريا سيكريت وانا نقول ليها شكرا وفي نفس الوقت قلت ليها يا اما كضحكي عليا يا اما على راسك خديت الشوميزات وطلعت بحالي شوية انا متكية تفكرت الكاميرة نيت جبدتها كنقلب فين نلصقها وبلا ما يعيق ووالو خفت نحصل وانا نلصقها في الحمام قلت هذا هو المكان لوحيد اللي كيسد عليه لمهم درتها مخبية لغد فقت فطرت دوشت جات الكوافورة مشطانت لي شعري وانا ممسوقاش ليها شوية حتى كنسمع زغاريت بالزربة لبسوني حويحي وهبطة في المصعد وواقفين كلنا في الاستقبال انا مافهمتش علاش هاد الفرحة كاملة المهم هاهما حلو الباب وهو يدخل غير شفتو وانا ندوخ نسيت المشكل اللي وقع ليا معاه وكلشي وقلبي بغى ياخرج من بلاصتو لحد الان مامستوعباش كيفاش سلم عليهم كاملين انا بقيت مكوفرة في بلاصتي وجا وسلم عليا قال ليا مالك مصدومة الراجل تبدل عاود تاني مافهمتش واش مشا سافر ولا مشى دار التجميل هاد المرة تغير اللحية مابقاتش كحلة بحال الى مرسومة وفيها الشعر طبييعي وحسن شعرو عاد ما زيان وولا وجهو مرجل مابقاش رطيطب ماعرفتش كيفاش هاد التغير دار ليه في ظرف 10 ايام ياك هو غير سافر .
صافي جلسنا وهما غير فرحانين بحال الى ولدهم كان تيقول لهم شنو طاري وعلاش سافر وانا كيف لهبيلة وسطهم مللي سلينا قال ليا انا غنطلع وانا نقول ليه واخة وعينيا على الحقائب وبالخصوص الصندوق اللي غبر ليه الاثر ..عيطت على السواق قلت ليه طلع ليا الحويج الفوق وانا واقفة عليه كنشوف فين هو داك الصندوق وهو يباااااان ليا وانا نخطفوا ليه مافهم والو مشيت واحد الحمام ديال الضيوف وبقيت كنقول غيثة ماهما كان غيكون في هاد الصندوق ماتدهشي ما تغوتي ماتخلعي اللي خاصك تعرفيه موجود في هاد الصندوق ولا ماعجبتكش شي حاجة ديري عين ماشفت قلب ما وجع وفعلا جلست على لكرسي وانا نقول نحسب على 3 نفتح الصندوق وبلا متردد وانا نحسب 1 2 3
123 حليت ناااري اش لقيت جاتني السخفة وبغيت نغيب ماقدرتش نضت غسلت وجهي بالماء وكنطوش في راسي باش نفيق الحمد لله ماغيبتش تخيلوا تلقيت 10 ديال الاعضاء الذكووية احجام واشكال كل واحد وكيف مداير وبقيت كنتخيلو كان كينعس معايا بهم ناري فكرت نخرج نقتلو ولكن تمالكت اعصابي طلعت لغرفتي مع حليت الباب شفت راجلي عريان كيف ما ولدتو امه ولاول مرة من نهار تزوجنا وانا نطيح غيبت.. تخيلوا شفت راجلي ماعندوش الذكر غير حليت عيني وهو يقول ليا سكتي غنشرح لك كلشي واللي بغيتيها نحققها لك انا بقيت ساهية ومصدومة وهو داوي قال ليا انا تزاديت خنثى ووالديا ماعرفوا يقولوا تزادت عندنا بنت او ولد في الاول قالوا بنت عشت 10 سنين على اساس اني بنت شوية قالوا ولد من بعد ما سافرت لامريكا وداروا ليا واحد تيست وطلع 64/00 هرمونات ذكورية وخيروني واش ندير التصحيح لراجل او انثى وبما انه ميولاتي كلها ذكورية مللي كنت صغير كنلعب غير بحويج دراري ولبس الدراري قررت اني ندير تصحيح للجهاز ديالي وانا في المراحيل الاخيرة من العلاج بحيث كيخد ابر هرمون التستوستيرون ودار عملية للجهاز بقى ليه غير يلقى المتبرع مثلا يكون شي متحولا جنسي وباقي ماتحول ونسبة نجاه العملية كتوقف على دقة الطاقم الطبي وهرمون الذكورة خاصو يكون مرتفع شوية..
هو كيعاود وانا غير كنسمع وكنتفكر الايام اللي كان كينعس معايا وبلا ما نحس قلت ليه وهاذوك .... ديال من مافهمش وانا النوض جبتهم ولحتهم عليه عاد فهم و قال ليا كنت كنجرب شكون اللي يعجيك زعمة باش ياخد عليه العبار وفي نفس الوقت باش مانعيقش بهاد القصة المحبوكة صافي بلا مانشعر بديت كنضرب فيه وكنصرفق وهو كيحاول يشد ليا يديا بالعصاب ماحسيت هزيت قرعة ضربتو طاح غيب ناري مي قتلتو ناري اخر ايامي غنمشي الحباسات والدم كيسيل وانا نتصل بامه قلت ليها ولدك طاح على راسو جاو بالخلعة كياجاراوا وداوه للمستشفى ,دارهم بقاوا تيقولوا ليا شنو وقع وانا كنقول ليهم والله ما عرفت مابغيتش نقول ليهم شفت ولدكم عريان رماقدرنش نقول ليها راه ضربتو بقرعة مع العلم شافوا قرعة الزجاج مكسرة ومليوحة في الارض انا مع حسيت راسي بحال راني في الكوميسارية و الاسئلة قلت ليهم كانت كنتمازح معاه وجاتوا الام نتاعه حسلت بيا و جات و اعتارفاتلي بمشكل ولدها واكدت ليا انه جمييييع التحاليل كتاكد على انه راجل المشكل اللي عندو الذكر وكيتسناوا المتبرع اللي كيف ماقلت خاص يكون شي حد متحول جنسي حديث اي انه كان راجل وبغى يولي مراة المهم انا ماكانش كيهمني دابا يرجع راجل ولا يبقى خنتى كان همي الوحيد انه يفيق ..
صافي نهار السبت فقت على الزغاريد ديال مو وخواتاتو اتصلوا بيه من المستشفى وقالوا لهم فهد فاق وراه حالتو الحمد لله مستقرة انا لبست وتقديت وخرجنا كنتجاراوا طالعة كنجري سابقاهم غير سولنا انا غرفة وانا نطلع نجري سابقاهم حليت الباب لقيت الطبيب كيقول ليه الجرح طاب ويلزمك فترة نقاهة ودار الطبيب وقال ليا خودي بالك منو كان مصري غير خرج وانا نمشي نتلااااح عليه وكنعنق وهو ماعلى بالوش وانا نقول في خاطري هاد القرد مالو دافع كبير وباش حسيت براسي مذلولة غير دخلت امو وخواتاتو بدا كيعنق فيهم ويبوس وضحك وانا بقيت واقفة اللور وكنشووووف خرجنا وجينا للدار وعزل في جناح اخر وحسيت براسي بحال الى وليت منبوذة وكيتجاهلني وانا ماعرفتش علاش وفجاة وليت باغة نبقى معاه يمكن حنت بدا كيتجاهلني ودافع كبير وولا شااااايف حاله لواحد الدرجة مكتصورش تصدمت اواه علاش هاد الشي جالسة مابيا حتى دخل عندي وقال ليا ابشري ان شاء الاسبوع الجاي غنبدا في تحضير اوراق الطلاق غير جبد ليا الطلاق وانا نهز بقلبي تهز من بلاصتو قلت ليه حتى انا بعزت النفس زعمة اوكي انا واجدة وهو يضرب بالظهر وخرج.. عاود حل الباب وقال ليا اه مانسيتش داك النهار فاش كنت في المستشفى سمعت هضرتك كاملة و مالقيتش باش اجاوبك ومن عند الله خرجت الدمعة بغيت ناكد لك بيها بالي سمعت كلشي وموافق على كلشي انا ماجاوبتوش عاطياه بالظهر وزدت وخليتو وهو يجي يجري وشدني من دراعي ودورني بالجهد قال لي مللي نكون نتكلم سمعيني واحترميني وهو يطلقني وخرج ناري البنات ولا قبيح وتبدل ولا بحال السي السيد وعاد مازدت نتعلق فين نتفلق واحد النهار اتصلوا بيه من امريكا ولقى المتبرع وجمع حويجوا وتوادع مع دارهم وانا اخر من يعلم ناري باش حسيت حيت قالتها ليا امو وهي فرحانة قالت راه سافر حق العملية وان شاء الله حياتكم غتغير للافضل بلا مانحس قلت ليها يارب امييين وهي ضربها ليا بواحد التعنيقة شوية وانا نحس براسي اش قلت شنو انا نرجع لواحد خنثى حاشة بالزاف عليه المريوة لاخر هو دافع كبير على الخوا الخاوي ونرجع ليه واخة يدير ديال عود منرجعش ليه وبقيت كنعير فيه ..
دازت يومين وهو يتصل وانا لاصقة حدا التلفون غير اتصل وانا نجاوبوا ودرت راسي بحال الى كنت كنهضر مع صديقتي وعاودا الاتصال الو ماتنسي تلحقيني بكرا وهو يقول ليا كلميني الوالدة ناري تصدمت مللي شفتو عرف صوتي ومسولش فيا ولا عن اخباري مباشرة كلمي الوالدة وانا نكلمها وسمرت حداها وكنسمع فيها كتداعة معاه وهو يقطع وقالت ليا باللي بكرا عنده العملية في الصباح صافي انا الليل كله كنقول سير انا بغيتها ماتصدقش لك نتطلق معززة رومكرمة وفي نفس الوقت كنقول لا ياربي ماتستاجب لدعائي وتشافيه وتعافيه الليل كله وانا كنفكر كيف غنكتكون العملية وكيغيفيق بالزاف ديال التساؤولات ضربوا ليا راسي شربت بنادول وضربتها بنعسة فقت مع النبوري هبطت لقيتهم كيهضروا معاه وهو وسط الغرفة وباللي لحد الساعة كلشي مزيان وفي نفس الوقت تعصبببت حنت نفاني من حياتو بحال تاق في راسو بانه العملية ناجحة مئة بالمئة في ديك الايام كلها كنت كنتواصل مع واحد الشيخ كيفتي ومعروف وصولتوا وعرضت عليه اوراق التحاليل والتست وكلشي واكد ليا باللي الى كان مرا وكان عندها الرحم وتحولت راجل راه حرام وجبت ليه وراق اللي كانت عطاتني مو وصورتهم كلشي كياكد على انه راجل وماعندوش رحم وكان خاصه غير تصحيح هنا الشيخ اكد ليا باللي يجوز نبقى معاه تصدمت مابقيت عارفة ماندير وانا طلقني بفمه ومابقيتش على دمتو صافي جمعت حوايجي وداك الشي ديالي ووراقية وتسنيته يرجع جا اليوم المنشود وجا فهد وداروا ليه حفلة بينتهم وانا على ضدو مشيت تبوكست وليت غزالة باش نشوف واش عندو شي احساس ولا ميت المهم عاود تاني استقبلناه ودار راسو مامسوقش
ودار راسو مامسوقش سلام عادي وناقص جاااف ولكن مرة مرة كنحس بيه كيشوفني بنص عين وحتى انا كنضرب شوفات بنص عين كنشوف بلاصت المعقول واش مبوقة ولا لا كيبان ليا داك الشي مضخم وحبست الضحكة بديت كنقول ياااااك ماديال شي لوين هههه وكنضحك وكنحبس وهو مرة مرة كيحصلني كنشوف فيه صافي طاح الليل وطلعنا بحالنا هو مشا لجناحو وانا مشيت لجناحي وحلف داك النعاس لابغى يجيني والفضول قتلني وبغيت نعرف واش نجحت ليه العملية او لا وانا النوض لبست شوميز دو نوي من هادوك اللي جابت لي امه ولبست فوقهم بينوار شفاف وخرجت كنتسلت وحليت الباب لقيتوا ناعس ودخلت للسرير شوية وهو يقفز وقال ليا اش كديري هنا سيري لغرفتك راك مابقتيش على ذمتي وانا نسد ليه فمو وقلت ليك الحلفة ماديزاش حيت قلتيها وانتا غضبان وانا ندوخوا بكلامي ووقع اللي وقع انا تصدمت لاول مرة وفي الضو وعينيا كلها موجهة المعلم سبحان مبدل الاحوال كيييييف كنا وكيف ولينا بحال تقولوا داك الشي اللي عشت قبل غير كذوب وكانت هاديك اول ليلة حقيقية دوزناها الصباح فقنا وانا نلقاه مضى على ورقة الطلاق وكتب. ليا جريدة كيعبر فيها على داك الشي اللي دار وباللي ماشي لخاطره هو ..
الصباح فقت وانا نلقاه مضى على ورقة الطلاق وكتب. ليا جريدة كيعبر فيها على داك الشي اللي دار وباللي ماشي لخاطره هو كان بغى يكون غير انسان عادي لا اكثر و كيتسنى في الامضاء ديالي وكتب ليا كنتمنى ماتمضيش على ورقة الطلاق اتصلت بيه وقلت ليه دابا نشوفك جا كيجري طاير قلت ليه انا غنوافق على الطلاق تحت تسرعتي ومضتيه قال لي انا الى وعدت ماكنخلفش وبامكانك تلغيها وتقطعيها ونعيشوا حياتنا في احسن الاحوال انا مارضيتش حنت ماستشرنش ويبحال الى دسر ولا في كامل رجولته وبلا مانشعر مضيت وحتى هو تكبر وهز الورقة وداخل للمحامي المهم اتفقت انا وياه اننا مانقولوا لدارهم والو حتى نطلقوا في ظرف شهر وفي رمشت عين كنلقى راسي في المحكمة وكيقول ان ابغض الحلال عند الله الطلاق وكيسول واش مازال باغغين الطلقوا من بعد ما تدخل هو في محاولة الصلح كان قرارنا واحد اخيرا طلقت خرجت من باب المحكمة وركبت في السيارة رجعت للدار مشيت البيتي ولحد الان دارهم ماعارفين والو من فير خوه ساعة وانا كنبكي ماعرفتش واش حنت خديت القرار الصائب او لا حيت تلفت مافهمتش حتى كنسمع الدقان حليت لقيتو هو بالزربة جمعت البكية واخة عاق بيا وحتى هو جاي عينيه حمرين يمكن كان باكي قال ليا مازال خاصنا نطلقوا في المغرب لمهم يمكن لك تجمعي اللي بغيتي وتمشي وغنقول للدار راك رايحة زيارة صافي هو كيهضر وانا كنجر في البالز موجداهم قطع ليا وجيت للمغرب من بعد ما وصلت اتصل بيا قال ليا غنوصل الاسبوع لماجي جيت للدار ماما مافهمت والو حتى وقفت عليها بدات كتغوت مالك ياك والو باس وانا كنسكت الؤاليدة والو باس شوية دخلنا شوية بدات وتحقق مالك ضعافتي مال شعرك بهات مال مال قوة عليا الاسئلة وقلت ليها لواليدة غنعس راني عيانة وطلبت منها ماتفيقنيش نتعشى الغد كنسمع فيها فقت الصباح غير كل الصباحات فقت الصباح كيف ما كنت كنتمنى نكون حرة فقت الصباح ناعسة في دارنا واهم من هاد الشي فقت الصباح كيف ما كنت كنتمنى مطلقة وفقت على غوات ماما نوضي باركة من النعاس نوضي خنزتي البيت وكانت غير كضحكني المسكينة وكتفكرني بالايام قبل الزواج..
فقت دوشت لقيت ماما موجدة ليا لفطور الله توحشت فطور بلادي ومع ماما دابا عام باش ماجلسناش هاد الجلسة بغيت نغير الجو اتصلت ببنات خالتي شحال فرحوا مللي سمعوني جيت جاوا التعناق وخالتي كتعنق وبداوا عليا فين هو فزاع علاش ماجاش وقلت لهم خدام مامساليش لمهم خرجنا وسهرنا توحشت الخروج مع بنات خالتي والعزوبية خرجنا سيارتي كان فيها شي مشكل دزنا صوبتها مشينا سهرنا وحنا راجعين بالليل في عين الذياب دخلة من جهة بارك سندباد وهما يوقفوا لنيا واحد العصابة صافي قلت يمكن داك الشي اللي درت لفهد غيخرج فيا وهادوك ولاد الحرام بغاوا يتكرفسوا علينا وليت كنفكر لبنات خالتي وكنبوس الرجلين هالعار ماتقسوهمش هالعار انا ندير معاكم اللي بغيتوا هما لا والبنات كيتباكاوا واحد اللحظة وبرحمة ربي دايزة سطافيط ديال البوليس وفيها شي 4 ديال البوليس غير العامر على خوه غير شافوهم دوك ولاد الحرام وهو واحد فيهم ضربني لاحني انا بالخلعة وقفت وكنوض بنات خالتي وكنغوت ونشكر ربي حمدتك ياربي ماوقع لبنات ..
حمدتك ياربي ماوقع لبنات خالتي والو ركبنا في الطوموبيل وقفوا علينا زوج بوليس والاخرين تبعوهم اش كديروا هنا قلت ليه والو غير مختاصرين الطريق للدار حتى واقفو علينا علينا دوك ولاد الحرام قطعني من ككلامي وقال ليا جمعي راسك بنات دارهم راهم ناعسين اش خرجكم في هاد الليل قلت ليه جمع فمك وحترم راسك خارجة نقلب على شي فارمسيان وبنات خالتي كيسكتوني صافي يالله وصاحبوا قال ليا فين كتسكنوا قللت ليه دوك الديور وهو يقول لينا ركبو حنا غنتبعوكم فعلا تبعونا حتى وصلنا للدار وكيتفاجا انه حتى هو كيسكن تم عاد عرف ماما وطلب السماحة واعتدر وقبلت اعتداروا السيد بحال الى بغى يزعم وانا نوقفوا عند حدو قلت ليه شكرا والسلام وعليكم المهم طلعنا وكنقلب الجوال والو ماكين حتى اتصال ولا رسالة داز اسبوع والو ولا اثر حاولت نتصل بيه كان تليفونه طافي اتصلت بالبيت جاوبتني امه فرحت وقالت ليا وحشتني وكتسول امتى غنرجع قلت ليها قريب ان شاء الله وانا بغيت غير نصدرها وفهمت منها انه فهد عندو شغل وجاتو سفرة علا غفلة واستغربات حنت ماقال ليا والو قالت ليا يمكن مقلق على الضربة قلت ليها يمكن ماعلبلهاش راه طلقنا المهم قطعنا...
كنعقل الاحد ووحدة من بنات خالتي طلبت مني نخرجوا ونا نقول ليها بشرط اننا نرجعوا بكري خرجنا ضحكنا تقدينا الحويج جلسنا في قهوة حتى كتجي عيني على دوك البوليس جالسين حتى هما وبالصدفة حتى هما 4 يالطيف اش هاد الحظ المزعتر جا سلم علينا وقال لينا انا فريد جاركم او بالاحرى اللي لقيتكم داك النهار بالليل ماجوبتوش وبنات خالتي بداوا يقولوت ليه اه تذكرناك الفارس المغوار وانا برجلي كنعفط عليهم باش يتصدر استاذن منا نجلسوا مجموعين وجلسنا مادزت 15 .دقيقة كنهز عيني ناااااااااري شكون لقيت ناري فشلت تخلعت تمخضت تصدمت عجزت عن الحركة والكلامة تلفوني كان فيه gps وبقى متبعني حتى لقاني ايه فهد غير شفتوا بديت كنترعد وقفت وجاي قصدني ومخنزر ومع حروفوا كحلين حجبان واحد طالع ولاخر تعلى عليه كنت غنسخف وقفت وجاي قصدني هز يديه و طراق مرملااااااااااقايه من حقك تصرفق شديت حنكي وعيني غرغرو وهو يجرني وبدا يغوت هاد الشي علاش باغة تتطلقين والله الى طلقت غنخليك معلقة هاد الشي علاش راجعة المغرب وان نقول ليه سكووووت ماشي من حقك تلومني وبصفتك شكون تصرفقني ماعندكش الحق صبرت معاك وبقيت معاك حتى وليت راجل واول ماترجلتي وفقتي طلقتيني هذا هو جزائي هاد الشي ماكنستاهل عندك قال لي انا حاولت ما امكن باش ماتحسيش باللي واقع ولكن ماعونتنيش وماقدرتش نصارحك واضطريت ناخبي انا كنبغيك وما نقدرش نعيش
وما نقدرش نعيش بلا بيك وكان كيحساب لي العملية ماغاداش تنجح داك الشي علاش قبل مانسافر طلقتك قلت ليه باركة من الكدوب طلقني بعد مني ريحني وارتاح تزوج لك تاني قال مانقدرش ماغنطلقش ماغنطلقش نتي اول وحدة عرفت مشكلتي والو وحدة عارفة حقيقتي ونطلقك لا لا مليمكنش وهو يعنقنيييييييي واو واحد الاحساس غريب وهو يقول لي غدا غنرجعوا في حالنا قالت ليه لا ماشي دابا حتى نرتاح قالي المهم انا غنرجع والاسبوع جاي غنقطع ليك جي قلت ليه اوكي وعيطت علىبنات خالتي بقاوا مصدومين قالوا ليا ياك ماقفرتيها قالت لهم على بونت صافي رجعنا للدار دوزت اسبوع زؤين وفاش بغيت نرجع اتصلت وسولت داك الشيخ واش كنتحسب مطلقة قال اذ كنتي في ايام العدة ورجعك راه ماكتبقايش مطلقة صافي اتصل بيا زوجي وقلت ليه ماغنرجعش حتى تحلل الغلطة اللي درتي وقال ليا سيري لشي عقار واختاري احسن شقة وغنجي ناخدها لك فعلا عاود رجع تاني قضى الغراض ورجعنا بزوج وحياتي تبدلت عاود تاني لكن هاد المرة الاحسن الحمد لله وعشت بيخير بحال الى ماكان والو ومابقيتش مازال كنتفكر الايام اللي فاتوا هاد الشي اللي كنحكي فيه داز عليه 4 سنين حاليا عايشين في الصين بحكم العمل ديال زوجي مابقاش بغى يديب لاصة بالزاف بلا بيا وبلا ولادو فايد 2 سنوات وفايز سنة .

النهاية.
Read more
مرسلة بواسطة في 3:04 م ليست هناك تعليقات: Edit
3:01 م 1

قصة بالدارجة المغربية "ذاكرة عاشق"


اسمي ريحانة في عمري 25 من طبيعتي كنحب نساعد الناس و نفرحهم داكشي علاش قررت من بعد الباك نقرا التمريض .. من بعد التخرج دوزت اياام و شهور غير في التقلاب على خدمة هلي يقول ليك تبقاي معانا ستاج 3 شهر و من بعد 3 شهر يقول ليك بسلامة صبرت و دازت عليا تا في الاخير خدمت في مصحة خاصة لمرضى القلب و الشراين بتمن قليل و لكن قلت معليش حسن من والو .. كنت كنشوف بزاف الممرضات لقدام تما و المسيطرات على المصحة كيف كيقدرو يخدو كتر من خلصتهم غير رشوة .. هذشي لي معمري قدرت نديرو انا حيت تربيت على الدين في دارنا و تعلمت ندير خدمتي بلا منتسنا شي حد يخلصني اصلا هدفي الاول نعاون الناس لرواحهم ما بين الموت و الحيا ..
بديت كنولف حياة الممرضات و جوهم من بعد مدوزت عامين معاهم وليت كنحس المصحة داري و المرضى ولادي و انا مسؤولة عليهم ..
نهار الخميس .. عمري نسى ذاك النهار فاش جا وحد الولد كيحمق بالزين لكن داك النهار كان وجهو صفر وشاحب و عينيه دابلين و دموعو نازلين على خدو من كترت الالم لي فيه و هو شاد في قلبو
لي فهمت من الطبيب بيلا ‫#‏عمر وقع ليه انسداد في واحد الشريان يعني مبقاش كيوصل ليه الاكسجين لقلب و هذا ممكن يتسبب في جلطة قلبية لوكان تعطلب بي 5 دقيق لحمدلله عتقوه لكن عمر كان عندو هذا المشكل من ضعرو وقع ليه هكا بزاف و كل مرة كيعتقوه في اخر لحضة فالعشية وقبل منخرج ضروري كندير دورة على المرضى لي في سيرفيس ديالي .. دخلت لوحد الغرفة لقيت عمر ناعس و مو حداه كتقرا عليه القران و دموعها في عينيها .. الحاجة راه سالا وقت زيارة خصك تخرجي وخا ابنيتي انا نيضة ... قربت لعمر وهو ناااعس كيف لوليد صغير .. الالام الكبير لي حس بيه اليوم خلاه ينعس بكري و بلا ميحس .. كملت دورتي و بدلت حويجي و خرجت .. وقفت في البلاكة كنتسنا طوبيس ولقيت أم عمر تا هيا وقفا كتسنا الطوبيس .. قربت منى وقالت لي : نتي الممرضة لي كنتي لذاخل دابا اه انا ... عافاك ابنتي نوصيك على ولدي عمر .. راه معندي من غيرو قابليه مزيان ابنيتي .. كوني هانية اخالتي جا طوبيس وركبنا بجوج فيه و جلسنا داوين .. وتما عرفت قصة عمر كاملة عمر مني كان صغير وهو مريض بالقلب لكن كان عادي حتا دخل الكلية و بسبب بعد المشاكل الاسرية بدات كتزاد حدة المرض ديالو و تما جاتو أول أزمة قلبية داوه لسبيطار تما قال ليهم الدكتور بلا وصل لمرحلة خطيرة في المرض و أن تهاونهم هو سباب في هدشي من بعد ذاك النهار عمر كترو نوبات القلبية لي كتجيه و كل مرة كانو كيعتقوه في اخر لحضة لدرجة تخلا على قرايتو و بعد على أي تعب و أي شي ممكن يعصبو و لا يجهد فيه نفسو كان كل مرة كينصحهم الطبيب باش يديرو اخر الحلول لي هو زرع قلب جديد قبل ميفوت الفوت .. عائلة عمر تردو بزاف في هد القضية الان نسبة النجاح كانت قليلة ... لمدة اربع سنين وقع لعمر اكتر من 5 ازمات القلبية .. و الاخير كانت اصعب .. أم عمر كانت كتعاودلي و تبكي - لعملية صعيبة ابنتي و نسبة نجاحها قليلة و تا الا بقا هكا ممكن يموت في اي لحضة مبقينا عارفين منديرو 4 سنين هدي و انا نخدمة ليل و نهار انا و باه غا باش نقدرو نجمعو تمن العملية بش الا ضطرينا يكونو الفلوس مجودين و ليوم اكد علينا الطبيب باش نديرو لو العملية والا غادي نفقدوه في اي لحضة .. لفلوس جمعناهم لكن ابنتي ملقيناش المتبرع .. اشمن حالة هدي لي تشوفي فيها ولدك كيموت قدام عينيك و نتي مقدراة ديري والو . معرفت كيفاش نوسيها من غير اني نقول ليها هذا ابتلاء و غدي يفوت ان شاء الله مشيت لدارنا داك الليل مجانيش النعاس و انا كنفكر في عمر داك الولد النقي و الزوين كيف هو دابا مابين الحياة والموت والله ما يستاهلش صباح مشيت للمصحة و طلعت ندير جولتي الصباحية على المرضى كيف العادة . وصلت لغرفة عمر ملقيتوش في بلاصتو تخلعت .. شوية سمعت صوتو كيرد في الحمام دقيت علي .. وش نقدر النعاونك .. خرج وهو هاز راسو لسما لا انا بيخير شكرا - من طبعو كيكره الشفقة و مكيرداش يبين راه محتاج لشي حد ... وصلتو لبلاصتو حطيت ليه فطورو خرجت فالعشية بدلت حويجي و انا خارجة شفت عمر مع الولدا ديالو في جريدة لي في وسط المصحة قربت باش نسلم على مو .. و قالت لعمر هذي ممرضة الله يعمرها دار اوليدي .. هز راسو فيا و بتسم ببتسامة دات لي العقل و حدر عينيه شفت في مو و قلت ليها : خالتي اي وقت حتجيتيني انا موجودة جريتها على عمر و عطيتها نمرة تلفوني و قلت ليها تصلي بيا في اي وقت و خديت نمرتها على اساس نسول في عمر كيف بقا و مشيت .. داك النهار كان عمر غدي يخرج من المصحة و غدي يبقا يرجع مرة في السيمانة يشوفو الطبيب دوزت ديك السيمانة وعمر مبغاش يحيد لي من بالي - كان كبر مني بي 8 أشهر فقط لكن المرض كان مخليه يبان كبر من عمرو بترهلات لي تحت عينيه و شحوب لي في وجهو و لكن حروف زين مزال فيه تلقيت عمر صدفة داك النهار و انا خارجة كان جا يشوف الطبيب ديالو و لقاه كونجي سلمت عليه و سولتو على احوالو .. كان عيان داك النهار و كيتمشا بزز و مو مجاتش معاه لضروف عملها قترحت عليه بش نمشي معاه تا يخد طاكسي كنت خيفاه يطيح في طريق .. تمشينا توصلنا الشارع وحنا كندويو مسخيناش نحبسو الهدرة قالي عمر باش نكملو مشي حيت شحال متمشا كان بي الفرحة عليا يطلب مني نبقا معاه .. تمشينا و كان لجو زوين و شتا خفيفة .. دخلنا الكافي و شربنا قهيوة و تنقشنا في بزاف الموضيع .. كان دري واعي بزاف و حضاري في نقشاتو .. قلت ليه بلا خصني نمشي حيت منقدرش نتعطل بزاف .. شكرني على الوقيت لي عطيتو و خد نمرتي وتفرقنا و يريت متفرقنا كان مزال الحال أ عمر
من ذاك النهار تبدلت حياتي الغد تاصلت بي أم عمر و قالت لي بلا عمر محتاج يخد شي إبر و لكن البنت لي كنت كتدقهم ليه تحولو من حداهم و سولتني وش ممكن تعودي تجي تدقيهم ليه في دار 2 مرات في سيمانة صافي .. طبعا قبلت و مشيت كان فرحان فاش شافني وقالي بقاي تعشاي معانا عتدرت منو لاني منقدرش نتعطل على دار .. ولكن درنا موعد نخرجو الغد على أساس نمشي معاه يخد شي حويج من القيسارية .. الان عمر معندوش اصدقاء كتار صديق واحد يوسف لكن اغلبية مشغول بالخدمة ذالك النهار كنت خدامة الصباح و خرجت مع 2 لقيت عمر كيتسناني من بعد متغدينا مشينا القيسارية و تقدا كاع لي خاصو دوزنا عشية زوينة قالي عمر بلا قليل فاش كيخرج من الدار حيت مكيلقاش لي يونسو و أكدت عليه بش وقتما حتاج يخرج يتصل بيا فجأة وليت كنحس راسي مضطرة نكون مع عمر و نخرجو من حالة الاكتأب لي عيش فيها معرفتش وش شفقا و لا أش .. معرفتش .. لمهم كترت الخرجات معاه تقريبا يوميا من غير الهدرة في الفيس و تلفون , وحد النهار تصلت بي أم عمر شكراتني و قالت لي بلا عمر تبدل بزاف من دخلتي لحياتو وبلا اخير ترسمات الفرحة على وجهو شحال مشافتو هكا .. بختصار عمر ولا عندو أمل في الحياة من بعد مكان فاقد الامل وفصراحة انا لتعلقت بيه كتر .. كان كيصحبلي كنشفق على حالتو صدقت انا لي كنحتاج الشفقة من بعد ما وليت كنبغيه... كيفاش منبغيهش ولد من اضرف خلق الله و لي كان كيحمقني فيه مكناش كنختالفو في تاشي موضوع نفس الأفكار و نفس الاراء.. كان نصفي تاني تماما.. عمري شفت منو العيب.. دازت كتر من 5 شهر و عمر خدا جزء كبير من حياتي يمكن كاع حياتي كلها ... و تا عمر هكا حسيت بيه وخا مدواش و مقال والو عارفاه ولد حشومي .. وحد النهار تصل بيا و قال ليا بغا يشوفني ضروري .. كنت في دار كنصبن جمعت تصبين دغيا و خرجت نجري منقدرش نتعطل عليه تلقينا في الكافي لي مولفين نكلسو فيها على البحر .. لقيتو كالس و ساهي في جيهت البحر او وجهو مرسوما عليه هموم الدنيا كاملة ..
كلست و قلت السلام شاف فيا شوفا طويلة و مدواش .. عمر مالك خلعتيني ؟ .. جاوب و هو كيشوف في البحر : لقينا متبرع مزياان هدشي كيفرح مالك مقلق ؟ .... ريحانة انا خايف ... مناش خايف بلعكس غادي دير العملية و تنجح و ترتاح من كلشي و تعيش حياتك كيف كتمنى راك غير كيبان ليك أ ريحانة راه نسبة النجاح قليلة .. يتنجح ينموت ... - الله ينجيك لا لا متقولش هكاك اكيد غدي تنجح .. دكتور بن جلون دكتور تبارك الله عليه متمكن هو و طاقم الاطباء لي معاه ان شاء الله ما يكون غا الخير .. أهم حاجة تكون نفسيتك مرتاحة و خليك متفائل خير ... حطيت ايدي على يدو وقلت عمر مكينش حل اخر .. هذا هو الخيار الوحيد عمر حدر راسو وتنهد تنهيدة خرجات من قلبو الضعيف وقال : توكلنا علي الله و لا حول ولا قوة الا بالله -في العشية مشيت نجري للمصحة كان خاص للعملية دار في نفس اليوم لي خداو فيه القلب من السيد لي تبرع بي اعضاء بعد الموت .. فعلا نعم الرجل لي يقدر يحي شحال من انسان محتاج اعضاء للزرع منهم كان عمر لي كتر من 4 سنين و هو كيقلب علي متبرع .. دخلت عند طبيب بن جلون و سولت دكتور عفاك قول ليا بي صراحة شحال نسبة النجاح ؟ .. ريحانة الا كان على العملية راه غدي تنجح و لكن الصعيب هو جسمو وش يتقبل القلب الجديد أو لا .. هنا فين كين الصعوبة لأن اغلبية الجسم كيرفض العضو الدخيل .. جوبتو وعيني غدي يخرجو من بلاصتهم يعني ؟؟ قال : يعني ممكن يموت
تجمدت في بلاصتي و تزيزنت ... قرب مني دكتور وقال : ريحانة معليك غا دعي معاه .. يلاه وجدي راسك غدي نبداو العملية من هنا ساعة و غدي تكوني معانا ركابيا فشلو وانا كنوجد في غرفة العمليات لي فيها غدي يحيدو قلب حبيبي .. مبقيتش قادا عيطت على ممرضة اخرا باش تكمل التوجاد و مشيت نشوف عمر لي كان كيتسنى يوصل وقت العملية كان عمر مستسلم تماما ومسلم امرو لله حداه امو وهي تتقرا القران و حاطا ايدها عليه دخلت و انا ديرية بتسامة كبيرة مخبيا فيها كاع لي ممكن يخلع عمر و مو و باه و يوسف صحبو لي كان وقف بعيد و سارح بأفكارو .. وقف عمر و قال لمو انا غدي نخرج مع ريحانة نشم لهو على برا و نجي .. خرجنا لجريدا لي على برا شاف فيا عمر لاول مرة كنحس بالخوف وانا معاه يمكن خفت تكون هذي اخر مرة نكون معاه يمكن خفت تكون اخر نضرة يتلاقاو فيها عينينا شد في ايدي لي كانت كترعد وقال ليا ريحانة من نهار عرفتك تبدلات حياتي .. حياتي لي كانت كلها مرض دواء ملل و وحدة كنت وحيد بزاف ا ريحانة قبل من عرفك ريحانة عطيتني أمل في الحياة و خلقتي السعادة في حياتي و يمكن في أيامي لاخيرة خديتي من وقتك و عطتيني خلتي حياتك و دخلتي حياتي ... تبنجت انا تماما و انا كنقول في خاطري # عاد دويتي اعمر و لاش في هذا الوقت بالضبط # .. وكون غا مدويتيش ا عمر .. و في الاخير قال ريحانة لاول مرة كينفعني قلبي في شي حاجة زوينة اول مرة كيتحرك قلبي ريحانة ‫#‏انا كنبغيك محسيتش تنزلو دموعي ومقدرتش نهز راسي فيه مقدرتش نشوف فيه ولا نجاوب و نقول ليه تا انا كنبغيك تانا تبدلات حياتي مني دخلتي ليها تأنا كنت وحيدة قبل منعرفك و نت نصفي تاني لكنت كنقلب عليه مقلت والو لساني تجمد و مقدرتش نطق وقف عمر و مشا و أنا حادرة راسي و دموعي مبغاوش يتحبسو .. مسحت دموعي و شفت في المكانة .. قرب و قت العملية .. عملية على قلب عمر و حتا قلبي .. من بعد متوادع مع مو و باه دخل عمر لقاعة العمليات على رجليه هاز راسو لفوق ولكن قلبي انا و عنيا كانو طيحين للارض مقدراش نشوف في عينيه و لا قادرة نوقف .. من بعد مبنجوه شديت لعمر في ايدو و بقيت كنشوف فيه حتى غيب و بدات العملية من بعد ساعتين و حنا وسط العملية و انا كنقاوم راسي باش نقدر نكمل جبد الطبيب قلب عمر المريض لي غدي يبدلو بقلب المتبرع مدو ليا و هزيتو بي ايدي مشي أول مرة كنحضر للعملية زرع القلب و مشي أول مرة كنهز قلب لكن هذا المرة كان الامر مختالف هزيت القلب لي حمل حب كبير ليا هزيت القلب الطيب لي خلاني نبغي عمر هزيت قلب لي فيه قلبي كيموت .. في ديك اللحضة و انا كنشوف فيه وليت كنشوف الضبابة تطحت و غيبت محسيت بي والو تا حليت عينيا و لقيت أم عمر حدايا و عينيها فيهم الدموع .. بلا منحس غوت خالتي فين عمر قالت غير رتاحي عمر مزال مسالاو العملية مالك ابنتي خلعتيني عليك محيلتي لعمر محلتي ليك قالت ليا بلي ساعتين و انا مغيب أطول مدة غيبت فيها في حياتي ..سولتني : 4 سويع و مزال مسالت العملية ابنتي قولي ليا أش كين وعلاش سخفتي .. مكين والو اخالتي راه طبيعي العملية تخد هذا الوقت
من بعد ساعة خرجات الممرضة هند صديقتي كتجري وقفتها وسولتها قالت بلا الوضع خطير دعيو معاه .. مفهمتش أش وقع و أم عمر كانت غادا تسطى من الخلعة .... بغيت ندخل لغرفة العمليات حبسوني وبقينا جلسين على اعصابنا كندعيو و نطلبو ربي يحفظو من بعد ساعة ونص اخرى سالات العملية و خرجو عمر من غرفة العمليات للانعاش و قالو الاطباء بلا مميمكنش يعرفو شي حاجة دابا خاص تيفيق و يشوفو واش الجسم تقبل القلب الجديد أو لا وهذي أصعب مرحلة . .. سولت طبيب على اش وقع وسط العملية قالي بلا وسط العملية وقعات مضاعافات ودازت مدة متضخش ليه الدم للمخ الشي اللي خلا واحد الجزء من المخ يتلف تما فهمت شي حاجة لكن تمنيت نكون غالطة دوزت ديك الليلة في المصحة أنا و أم عمر عن راسو نصليو و ندعيو معاه مشفناش النعاس لليل كامل .. وصل الصباح و بدا عمر كيحل عينيه و كيشوف فينا بحالا مصدوم فرحات مو و طارت عندو : عمر ولدي كيف كتحس ؟ عمر مكيجاوبش غير كيشوف دور وجهو و شاف فيا عيني في عنيه و سرحت و أنا كنفكر مزال حاس بي شي حاجة من جهتي و لا حبك لي بقا في القلب الاخر و هذا قلب خاوي ؟ مشي مهم هذشي كامل المهم تكون بخير و يوافقك القلب .. حيت تال دابا مزال ممعروفش واش تقبل الجسم القلب شكون نتي ... هذي أول كلمة قال عمر لمو من بعد العملية ... بقات امو مصدومة مفهمت والو ولكن انا فهمت كان توقعي في محالو للاسف .. الجزء لي تلف من المخ هو المسؤول على ذاكرة .. قربت وبي بتسامة قلت ليه على سلامتك .. قال شكون نتي و أنا اش كندير هنا .. مو بقات مصدومة و مدواتش .. قلت ليه نتا اسمك عمر و درتي عملية زرع قلب و الحمدلله نجحات على سلامتك .. قال وشكون نتوما قلت ليه هدي ماماك و وانا ..... - اش غدي نقول ليه شكون انا - انا الممرضة ديالك حدرت راسي و خرجت وقفت في لكوار وجلست نبكي كنبكي من فرحتي حيت العملية نجحات و كنبكي حيت عمر نسى كليشي ومعندي كيفاش نشرح ليه ولا كيفاش نقوليه كنت كتبغيني و كنت كنبغيك و لي بينا مكانش عادي ... مشيت لدارنا من بعد ما اكد ليا الطبيب بلا عمر حالتو مستقرة و تقريبا العملية نجحت بدلت حويجي و نعست كنت يومين منعست حسيت بالراحة و الاطمئنان على عمر اهم حاجة انهو بخير و الا كان هو نسانى انا منسيتوش ومغديش نستسلم هو دار لي عليه و قاوم ورجع الحياة و انا غدي نقاوم تنرجع حبي لحياة هكذا قلت و بتسمت و نعست رجعت اليوم لي بعدو درت دورة على المرضى كيف عادتي وصلت لغرفة عمر خديت نفس كبير و دخلت لقيت امو وخدا البوم صور و تعرفو على العائلة نطقات مو من بعد مشيرات بي ايدها فيا وهذي اعمر ريحانة ل.. حبستها بش متكملش حطيت ادي على كتفها و قلت انا ريحانة الممرضة ديالك كبقيتي؟ مجوبش وزدت قلت تبارك الله راك اليوم بخير الا بغيتي نخرجوك لجريدة تشم الهوا الجو زوين ليوم كان عمر اغلب الوقت ساكت.. طبيعي على لي وقع ليه اصلا هو من طبعو سكوتي و هدشي لي كيعجبني فيه.. قالت ليهم الا حتجتو شي حاجة عيطو ليا و الا حتجتي تخرج تبدل الجو انا مجودا.. و خرجت و انا كنقول في راسي لي خلا قلبك يتحرك ديك المرة غدي يخليه يتحرك تاني بقا عمر 15 يوم في المصحة كنت كافية نكون افضلا مؤنس ليه كيما و لا كيقول ليا نتي اقرب حد ليا من بعد الولدة نهار خرج عمر طلب من مو تعرد عليا لغدا معاهم نهار السبت جاي جا عندي و قالي ها نمرتي باش الا كنتي جيا ندوز ليك الولدة تنعت ليك الدار جاتني الضحكة... دار راني حافضها بحال دارنا قلت ليه وخا كون هاني ضروري نتصل بيك و لا بي ماماك جيت لدارهم و كان عمر فرحان و جبد ليا تصاور و راني صور وهو صغير و كانت صورة منهم خديتها ليه فاش كنا في جنب البحر قبل شهر من العملية .. قالي زوينة هذا البلاصة كنحس راسي عقل شويا عليها.. قالت ليه تبغي نديك ليها قال غادي نكون فرحان الا بغيتي مدازش شهر صح تبارك الله و ولا حسن من الاول و شد محال باه ديال توب و لا هو مقابلو و خرج من الملل لي كين عيشو كانو بزاف المرات كيتصلو بيا نجي عندهم تال وحد النهار كنت وقفا مع امو في الكوزينة و هيا تقول ليا بنتي تكرفصتي معانا بزاف لا اخالتي متقوليش هكاك... قاطعاتني سمعي ابنتي عمر دوا معايا بش نقول ليك شي هدرة حيت هو مقدرش ' خافك متبغيش.. عمر طالبك لزواج.. تصدمت حشمت و كنت غادي نطير فرحة مدويتش قالت عمر ميلقاش محسن منك ابنتي و انا مغدي نطمئن على ولدي غير معاك مني قالها ليا فرحت حيت تا انا كنت بغا نقترح عليه هدا القضية غير قالت بلاتي شوي و لكن الحمدلله عمر كان عندو نفس الفكرة
اش قلتي ابنتي في خاطري قلت (اويلي اش عندي منقول مكنتمناش شي حاجة من دنيا كتر من هكا) حدرت راسي و قلت يكون خير.. قالت لي يعني موافقة.. هزيت راسي وطارت الحشمة مغديش نلقا حسن من عمر اخالتي شرف ليا باش تختارني لولدك قالت لي نقولها لدارنا مشيت طيرة لدار داك النهار و قلتها ليهم و تاصل اب عمر بي بابا و تفقو على نهار السبت اجاي جاو محملين بالطيافر و السكار و عمر هاز الورد كان احسن نهار في حياتي عمر كان كيحمق بالكوستيم تفقو مع بابا على صداق على موعد العقد و العرس من بعد 3 شهر على ميجمع راسو مبغيتيش العرس قلت ليهم نديرو غا حفلة صغيرة نذير فيها الحنة و تصيورات و فلوس العرس سفرنا بيه لشمال و دوزنا احسن ايام حياتنا سكنت في العام لول مع دارهم كانو كيعاملوني بحال بنتهم الحمد لله و من بعد تيسرت الامور و فتح عمر محال جديد في منطقة بعيدة على دارهم و كان من ضروري نتحولو كرينا قريب لمحال عمر مبقا عندو تخطر على صحتو و رجعت ليه ذاكرتو من بعد عام من العملية و بتدريج .. تزادت عدنا وليد كيشبه لباباه بزاف ودابا انا حاملة في شهري 4 الحمدلله و لفرحة لي في حياتي مكتوصفش 
النهاية
Read more
مرسلة بواسطة في 3:01 م هناك تعليق واحد: Edit
2:58 م 0

خدعني فخدعته لكن أحبني و احببته


 هده القصة تروي معاناة زوجة أحبت زوجها من الوهلة الأولى التي رأت فيها صورته لكن في الليلة 
الأولى من زواجهما صعقت بكلمات زوجها .قصة ^ خدعني فخدعته لكن احبني و احببته تألييف ‫#‏أسماء ★★ كاع الآمال دياولي معلقيين على داك الطابلو .. كانتسنا بفارغ الصبر يبعدو الطلبة باش نشووف واش نجحت فالباك ... انا فردوس 18 عام قراااية و حشومية و زويينة و حدوودية و لكن ما فياش العياقة .. و معقولة ههههه يعني بنت مكموولة .. صافي هاهوما تفرقو مشيت نشووف لقيت راسي ناجحة ب 16 تخلطو عليا الأحاسيس .. ( الفرحة . الخلعة كووولشي ههه ) المهم هي شفت نتيجتي و انا نطييير لدارنا كي دخلت لقييت الواليدة كاتزغرت يخخخ وصلووها ليها صحاب الحسنات ..... ماما //: يا فرحييي و سعدي ببنتي حمراات ليا وجهي ......؛ انا //: ههههههه وي طبعا طبعا ا الكبييدة ديال بنتها .......؛ إيوا دخلت للدار لقيت ماما حاطة أكبر طبلة عندها و معمراها طول و عرض تقوول هاندييرو الإشهار ديال الزبدة ههههه فرحانة بيا و صافي ..... جلست كلليت تا شبعت و لكن الأفراح ما كاتكملش حييت ختكووم هي اللي خاصها تجمع الروييينة و تغسلها و راني حااادكة أ لبنات للي عندها شي خوها تباسي ليا نمرتو ف برييفي ندبر على رويسي ... فالعشية يالله قال المودن الله اكبر و هي تدخل السعديية البركاكة ياااربي السلامة آش نقووليكوم عينيها كايقولو هي ^^ أراك من بعيد ^^ داخلة و مسبقة ديك الكرش اللي كاتنخض تقوولو دايرا فيها شكوة تاللبن ..و عينيها خاايبين و الله .... السعدية //: ايييييوا مبرووووك عليك ا فردوس و الله تا فرحت لييك ... وااو طبااطك غزال ......؛ ما جيت فيين ندور نسلم عليها تا تقلشت حدا التلاجة ... الله أكبر .. خمسة و خمييس عليا يخ سددي دوك العينين ... و هوما دايرين كي المكحلات هي كاتنييش بيهوم الله يحضر السلامة ..... إيوا جلسنا معاها و شربات كاس تآتاي و مشات .... إيوا كاع عيالات الدرب جاو و تفوو تا وحدة ماجابت ليا كادو هي الخوا الخاوي .. زهور مرت العطار جابت للواليدة تبيخة باش تبخرني بيها على العين و حادة مرت مول الحانوت جابت ليا إيترو تلحلييب . قالب تسكار باش عمرنا ليها بيدو ديال آتاي و خديجة مرت مول الفران جابت طاوا ديال الفقاص .. و هي مامشات تا ضربات النص فيييها . يتبع
البارت التاني قصة خدعني فخدعته لكن احبني فاحببته .... تاليفي ‫#‏أسماء ...... بحرا ما لقيت راحتي ما خرجو تا بيسو ليا حنووكي بالبوسان آو كل وحدة حنكها قددو قد الشفنجة شوية كاتبان ليا شي مرا لاباس عليها داخلة هي و راجلها ... تا حنا عائلة متوسطة ماشي فقيييرة و دارنا زوينة و عصرية زائد تقليييدية .. و عندي اخت سمييتها خديجة مسافرة ههههه .. مشيت لبيتي و خلليت ماما كاتهدر معا ديك لمرا .. شوية جات ماما و قالتلي //: بنتي هاد السيدة جات تخطبك لولدها و هوما عائلة ميسووىة و هاتعيشي مزيان و تحققي احلامك مع ولدهووم ... // انا // آمممم و الله ما نعرف خاصني نشوفو بعدا ... //ماما// ها تصوييرتو و إيلا قبلتي هوما هايديرو الخطبة و العقد السيمانة الجاية و داك الشي هايكون صغيير و زوييين فالفيلا ديالهووم و مستوور .... مشات ماما و خلاتني كنفكر . هي شفت التصويييرة و انا ندوووب الله اكبر غزاااال كايحمق ا لبنات كايشبه لمهند خخخخ و لكن علاش ختارني بالضبط انا !! القضية فيها إن و اخوااتها .. المهم انا عجبني غزاااال و حسيت بقلبي كايضرب بجهد منين كاندكر سمييتو .. آه نسيت ما نقول ليكوم سمييتو شهد ... انا قررت نقبل ... تحاورت مع ماما و ختي اما بابا فا ميت الله يرحمو كنت بغيت نتلاقا بشهد و نتفاهمو على شحاال من حاجة و لكن ما فهمتش علاش كايرفض ... هو ديما كايدور ليا و كايبقا يهدر معايا ههههه و انا كانقول واقيلا شافني و بغاني بحال داك الشي ديال الأفلام . ما عليينا وجدنا كوولشي و جا نهار العرس دوزنااه مزيان واخا ماشافش فيا و ما حاشاهاش ليا .. ههه يسحابلي كايحشم .. كملنا و مشينا للفيلا و دخلنا للبيت ديالنا . هادي الليلة اللي كاتحلم بيها اي وحدة فييكوم ...... يتبع
البارت 3 تاليف ‫#‏أسماء ؛ إيوا كنت هانطييير بالفرحة ههههه أخيرا الزهر تكعد ليا و ميموني تصاوب هههههه و لكن ما هاتكملش فرحتي . بعض المرات كانتمنا تكون الأوقات الجميلة بحال فيري تدوم و تدوم و تدوم .... دخل عريس الغفلة السيد شهد . و انا نتلاح عليه بتعنيييقة خخخخ عيات الواليدة ماتوصيني نتبت و نرزن و لكن راه شهد هدا صبري تقادا هههههه عنقتو و ما دار تا شي ردة فعل تعامل معايا ببرودة و ماشافش فيا حتا .. شوية و هو ينطق و يا ريتو سرط لسانو و سد فمو ... شهد // اسمعي انا ماكانبغييكش و تزوجتك باش ماما ترضى عليا و تخلليني نعيش حياتي معا صحابي و صحاباتي ..... ؛ انا / تصعقت و دموعي بداو كاينزلو / و انا مالي ؟ علاش ختارينيني بالضبط !! ......؛ هو / حيت نتي بنت دكية و طموحة و ماهاترضاش تطلب الطلاق باش ما تنزلش راس ماماها يعني واخا نقول ليه هاد الشي ماهاتطلبيش طلاق و من بعد عام هانطلقك ..!! ماتخاافيش هانقولو بللي ما تفاهمناش و اصلا نتي بنت خايبة . غليضة و تا حاجا فيك ما عاجباني ..... ....؛ هاهاهها لبنات كنت لابسة روب طوييلة و مفضفضة و يسحابليه بللي انا خايبة و غلييضة و انا نديير واحد الخطة جهنمية ... هو قال بللي كايسهر بالليل و فالصباح كايبقا فالدار يعني انا فالصباح هاندير راسي غليييضة و هانخيب كمارتي باش نكد علييه ايام حياتو و ندمو ههههه خدعني و سأخدعه .. المهم مشا بدل و خرج عند صحابو و انا خلاني كانبكي على زهري العوج .. و كاندب حنووكي . فرقنا الفيلا انا شدييت النص و هو النص يعني هانعيشو بحال جوج ديااول الأصدقااء ... خخخخخخ مزوجيين و أصدقاء الله يمسخو .. طيبت العشاء و بقييت كانتسارا فالدار .. إيوا صبح الخال لبست واحد البيجامة .طويييلة و سروال عمرتو بالصوف باش نبان عامرة . درت الحموم فوجهي و عكرت مزياان كبيت عليا سطل تالماكياج باش نخلعو هههه و مشيت نفييق راجلي العزيييز
البارت 4 تالييف ‫#‏أسماء وقفت علييه كي رحمة الله ههههه هي شافني و هو ينووض كايترعد .. //: باسم الله الرحمان الرحيم .. ش شكووون نتي و آش بغييتي عندي ........؛ انا //: سيدي شهد هادي انا مراتك ههههه .........؛ هو هي سمع مراتك و هو يرجع كايشخر خخخخ بعما قال جملته الشهييرة ^^ يخخ الواليدة كتنت عورة منين خطباتك ليا و نتي نيفك كي الكوميرا و جبهتك قد الطوبيس .. سحت الليل محطووط صافي ^^ إيوا من بعد ما سمعت كلامو المعسول إنقضضت عليه و جريييت ليه المانطة بكل ما آتاني الله من قوة ......انا // نوض تفطر ا كيليميني ...عايش مايش مع بنااادم .......؛ ناض من بعد ما قمنا بتدشييين طاولة الفطوور اللتي احتوت على تجخليييطات كي أعصبه جيدا هههه .. جلس ياكل مسكييين ساعة وحلليه ههههه لقا عنييقات دجاج فبراد آتااي و شي زغييبات فالبيض خخخخ انا بعدا عرجتها مسمن و ملوي و فرماج هههههههه حيت راه قسمنا تا تلاجة ...... هو //: ما كاتعرفييش تطييبي ؟ العجب تا هادي الواليدة زغلاتها .....؛ انا //: هههههه كول و سد فمك راه درووك تخرج فشي كبيدات مع البراد مخلط فيه مملحات و داكشي .......؛ المهم فطرنا و مع 5 خرج و انا نمشي بدلت عليا . كان الصييف طلقت شعري . لبست الشوورط و هبطت للابيسين .. بشاااااخ ا ليااام شي عطيتيه و شي زوييتيه ... بقييت كانعوم شوية و من بعد طلعت لبيتي دوشت و نزلت نتفرج ..... دوزت لييلة غزاالة و من بعد مشيت نعست فبيتي و كانفكر فآش من خطة هاندير لشهد ليوووم .. زعما اليوم التالي هههه البارت 5 تأليييفي #أسماء مشيت لبيتو فالصباح مالقييتوش نزلت نشوف فالجردة بعد ما تنكرت بلباسي المفضفض و سروالي البديين تم بدأت ابحت عنه ... لقيتو حدا لابيسين جالس كايتبروونزا بمعنى كايتقلا فالشمس .. ناري على صدرو كي دااير آاااو داك الشي عندو هو هداك الفورمة و الزين هي هو حاس براسو . رجووع لله ا فردوس نسييتي الخطة ديالك !! مشيت جييهتو نييشان يالله وقفت حداه و انا نزلق جيت فوقو مسكيين دغدغدت لييه المسارن مزياان ههههههههه و انا نوض بشوية ........ هو //: براكا من هاد الأفعال الصبيانية راني عارفك كاتقربي منني و لكن سيري طللي على راسك فالمراية و شوفي وجهك كي داير عااد دوري بيا خخخخ آش جاب السطل للقب .........؛انا// كاين شي سطل قددك نوض قداامي نشووفو مال الرووبيني مابغاش يخرج الماء .......؛ هو //: باينة بللي شافك و هو يتسرط ليه الما مسكييين ........؛ انا //: حاامض يالله .......؛ تبعني و مشينا بجوووج نشوفو الرووبيني .. بقا كيحاول معاه دا سخف و هي تجي ختكوووم اللي تبارك الله متولة و انا نعطي لداك الرووبيني بواحد الكلاموونيت خباااط و هو يخرج الماء ...... هو //: عنيفة و متوحشة .........؛ و هو يمشي طلع و صاوب زغييباتو و تفركس و يالله كان خارج و هي توقف علييه فردوس //: انا كنخاف هنا بوحدي . بقا عافاك ا شهد .......؛ دفعني تا طحت و خرج يعني وصل ليا فكرة انني ما كنعني ليه والو . شحال خايبة تحس بانك متقل على شي واحد و بان وجودك ما عندو تا شي اهمية بالنسبة ليه .. حسسيت براسي مستغلة من طرفو . علاش نطيب ليه و علاش نجمع ليه حواايجو .. صافي انا من اليووم ماهانحاشيهاش لييه . براكا عليا من الإهانات صافي ما بقيتش قادرة نستحمل ... تمننيت زوج يبغييني و يحضنني و يقوول ليا نتي اغلى ما عندي .. بففففف حنا البنات كانحلمو بزاف
البارت 6 تالييف ‫#‏أسماء ... بقيت طايحة كانبكي تا سمعت الدققان حلليت و ما شفتش مزيان شكوون .. سمعتو قالليا انا الأخ ديال شهد . دخلتو و تصدمت منين شفتو . الأخ ديال شهد هو ايمن اعز صدييق كان عندي فالتانوية ..... انا //: أميين ؟.....؛ امين // كاتعرفيييني ؟! ........؛ انا // انا فردوس اللي كانت كاتقرا معاك ؟! ......؛ ايمن //: هاها باراكا من الزعووت فردوس غزااالة .....؛ جلستو و عاودت لياه كووولشي و بقييت فيه مسكين معا كنا كي الحلاقم ماكانتفاارقووش . كون هي خطبني هو قبل من خوووه .... هو //: ناري على خويا تا هو باقي ما بغا يدير عقلو؟! .......؛ انا //: ما نعرف المهم كانتسنا يسالي العام بفارغ الصبر ......؛ هو //: آجي واش بغيييتيني نهضر معااااه ؟؟؟ راه كايسمع منني ........؛ انا //: لا عافاك هي كمل معايا فهااد اللعبة .......؛ ما علينا طيبت العشاء و اول مرة شهد كايجي جلس معانا فالطبلة و بقيينا كانهدرو . . ايمن //: فردوس نتي شدييتي الباك بامتياز ........ ؛ انا //: آمممم وي ب 16 ............؛ هو // علاش ما تفكريييش تخدمي فشي بلاصة ........؛ شهد //: ههههه خويا ايمن واش بغيتي المدير يتزعزع ......؛ ايمن //: علاش مالها متقفة و ضريييفة و حادكة ........؛ شهد //: حادكة بزاااف خخخخ خاصك تدوووق اتاي بالمملحات ديالها .......؛ ايمن غمزني //: اواااه اتاي بالمملحات ديال التانوية ..........؛ انا // ههههه آااااه .......؛ شهد مسكييين ما فهم تا زفتة المهم مشا ايمن و بقيييت انا كانجمع الكوووزينة و شهد جااالس حدايا ....... شهد //: واش كاتبغييني انا ا فردوس .............؛ انا ارتبكن //: تصبح على خير .......؛ يالاه بغيت نطلع و هو يشدني من يدي و طرشني //: منين نكوون كانهدر معاك جاوبيييني ........؛ و هو يخرج من بعد ما ردخ الباب تبع البارت 7 تاليفي ؛ #أسماء تفووو على بهييمة قال ليك انا اللي عنيفة خخخخ اما هو حدييت و لا حرج . إيوا راه مشا الخانز يطب فلوسو (fla boite) و انا بارك عليا بالعصا إيوا ختكوم جمعات الروينة و جفييت الفيلا من الفوق تال لتحت ولات كاتشعل و صبنت ليه حوايجو و صلحتهوم و طويتهوم و ستفتهوم و جمعت ليه بيتو المهم الدار ولات غزالة إيوا و من بعد دخلت للفايسبوك لقيت رسالة من عند صاحبتي أسماء مسكيينة ديما كاتسول فيا ^-* إيوا جاوبتها و نعست . الغد ليه فقت و نفس الكاسيطة يعني نفس لحوايج و نزلت للجردة ياش نضفها ساعة الصدمة الكبرى لقيت معاه واحد الميينيكة لابسة هي ( deux pieces ) و جالسة متفلة حاطة كراعها و كاتمشط لييه فشعرو .. طلعات ليا القردة و تمميت غادية جييهتهووم و انا ناوية على بات خزييت ...... انا //: السي شهد شكون هادي ...... ؛ المونيكة //: شكون نتي نييت أنا راني الحبيبة ديال شهد .. شهد شكون هاد الكووفرة ؟ .........؛ شهد //: هادي الخدامة أ حبيبة .......... سيري جييبي لينا الفطوور ......؛ انا خدامة؟؟ الله ينعل طواااسك أ الكلب ...... مشيت على سعدي . وعدي نصايب لييهوم الفطووور ... هاهاهاهاهاهاهاهاها مشيت قلليت ليهوم السرديين و شوييت الكبدة و الرية و كترت الشحمة و جبت ليييهوم ..... هاكي ا مادمووريل كوولي نييت باش تفورماي شوية راه لاطاي ديالك حوتة و لكن وجهك يخلع المووتى شددو بغييتكوم تاكلو فيييه السم (bon mangez ) عرفتو بقا فيا الحاال او قالليك خدااامة .. و راه الخداامة و بحققوقها المهم .. بقا النهار كاامل معا ديك شاطة ماطة دييال ماجدوولين قمقوومها كي ديال الدييب يا ربي السلامة ..... الله يستر .. إييوا منين مشات بانت ليه فردوس قال يجي يعاونني فالماعن خخخخخ كاع هدا كرم مننو وا قولو جا يعصييني .... إيوا ما علينا بقيينا كانتفرجو بجوج نعم بجوج و الله تا بجووج و لاول مرة ههههه ففييلم رومانسي .. انا بقييت حالة فمي ..... واااو البطل غزااال ......... شهد //: تا البطلة زوييينة ... انا // ممممم ويي زوينة بزاف كااع .........؛ بقينا هانجمعوا و مدووزين الوقت .. شهد تبدل شوية مابقاش كايخرج بزاااف و ولا كايعاملني مزيان و لا واقيلا انا اللي تخيلت هاد الشي ... يتبع
البارت الأخيير ... قصة خدعني فخدعته و احبني فاحببته ...تاليف ‫#‏أسماء دازو الشههور و شهد مرة يهييني مرة يضحك معايا ههه داير بحال الطقس ديما الجو فييه متقلب و بقاو يوماين باش يسالي العام و تسالي معاه لعبتي و كدلك زواجي ... اليوم دوزتو فالدار كانعاون شهد باش يتمم ترتيبات حفلة آخر السنة او كما يقول لي ^ حفلة الإنتهاء من القفص. و من الكوفرة ^ اللتي هي طبعا انا . وجدنا كولشي الحلوى كووموندا عليها و كدلك العصير و العدييد من الأشياء اما الكادويات فبدون إحصاء طبعا كاينين كادوويات لكل اصحابه من لبنى إلى ماجدولين و من امين إلى انور و لكن انا اللي ما جاب ليا تا شي حاجة . وللفتو و ولفت نكييير ديالو و هاد جوج اشياء هوما اللي هانفتاقد منين هانرجع لدار با .. طبعا هانتووحش تا لابيسين و ألجردة ...... كمل اليوم الأول اللي كان حافل بالمشقة و التعب . جا اليوم التاني يوم الحفلة ... انا حشمت نبان هككاك حيت بزاف ديال الناس كااينين .. طلعت لبيتي . بقييت جالسة كانخمم ف مستقبلي . شوية سمعت شهد كايعيط عليا يسحاابلي بغا يقدمني لصحاابو هي نرلت و هوما يبداو كايضحكو عليا و شهد اولهم .. //: انا ليووم فرحاان بزاااف حيت اخييرا هانتهنا من هاد الكووفرة هههههه تصفييق ....؛ و هوما كايصفقو ليه و كايدفعو فيا و طييحوني و بقاو كايهينو فيا و انا كل اللي قدرت نديرو هو انني نحاافظ على الهدوء ديالي ... شهد // : يالله طلعي جمعي حواايجك و نزلي جلسي فالصالون حيت فالصباح خاصك تمشي بكري معايا لعند المحامي .. طلعت و دموعي فعيينيا .. صافي هايطلقني ... هككا سألا معايا .. لبست شورط تال الركبة و تريكو و كونفيرس و. نزلت و شانطتي فايديا .... كولشي تصدم تا من شهد ما عرفنييش ...... شهد //: فر .. فردوس ...... ؛ انا //: ااه انا فردوس . تنكرت باش ما تقوولش بللي كانتقرب منك و لا كانحاول نغرييك و شكرا على هاد العام اللي دوزتو فالالم و الحسرة و الإهانات ديالك اللي ماكايكملووش و الاصدقاء ديالك اللي كاتجييبهوم و تقدمني ليهوم على اساس انني خدامة .... ؛ صافي كملات الحفلة و بقييت انا و شهد كانجمعو فالصالون و هو مرة مرة كايشووف فيا و بحال إيلا مامصدقش ... دوزت الليلة فالصالون . فالصباح مشينا و لكن ماشي عند المحامي حييت طرات لينا كسيدة و شهد فغيبووبة و انا دبا حداه .... انا //: شهد فيييق عافاك انا مسامحاك راك مغيب نتا و معاك القلب ديالي .. انا كنبغييييك بكاااع دوك السلبيات اللي فيك إييوا فييق عافاك و نكملو حياتنا و و الله مانبقاو نتخاصمو''''' طيييييط شهد فاق و صاحني بحببو ليا ههههههه و بقينا مزوجيين و لكن درنا عرس ولا في الأحلام و دبا انا كنرضع بنتي ‫#‏أسمااء خخخخخ النهاية
Read more
مرسلة بواسطة في 2:58 م ليست هناك تعليقات: Edit
2:54 م 0

قصة بالدارجة المغربية سامحيني يا بنت الناس



سامحيني يا بنت الناس

القصة لي غدي تشوفو هي قصة من قصص الواقع لي كنعيشوه نخليكم تكتشفوها
جليلة بنت طيبة وذات خلق حسن ونية فعمرها 27 سنة من عائلة ميسورة الحال تتكون من أب '' عبد الله '' و أم '' كريمة '' و أخ كبر من جليلة بثلاث سنوات إسمو '' حكيم '' شرطي ، جليلة حاصلة على شهادة الباكالوريا وكملات قرايتها وسهل عليها الله ولات ممرضة ، وكأي فتاة جليلة كتمنى أنها يجيب ليها الله شي ولد الناس لي يسترها ويكون ونعم الزوج ودير دارها ووليداتها ..
من بعد ماتعرفنا على جليل نتعرفوا على الشاب
منعم شاب 30 سنة ماخدام ماردام طالب معاشو و أخلاقه خبيثة أعوذ بالله معروف فحومتو بدوك الأخلاق السيئة عائلته تتكون من أب '' جيلالي '' و الأم توفات الله يرحمها من بعد مافقسها فحايتها كان هو الوحيد عند وليديه ..
من بعد متعرفنا على الشخصيات .. نبداو القصة ديالنا
واحد المرة كانت العائلة ديال جليلة مجموعة على مائدة الغذاء هي تقول الأم كريمة لإبنتها جليلة :
كريمة : قولي لي أبنتي كتعرفي ياسين ولد عمك لي ففرنسا؟
جليلة : أويلي أماما ضروري وراه ولد عمي هداك
كريمة : إواا راه بغا يتزوج بيك
جليلة تجيفات ( آح آح ) كيفااااش؟؟
كريمة : كيف سمعتي وراه مغديش نلقاو محسن منو
حكيم : الخوادرية أتزوج بشاااخ هههه
جليلة : حكييييييم تزوج نتا بعدا
حكيم : هههه صافي صافي متقلقيش
جليلة : اواا هكااك .. وشكون قاليك باغا نتزوج أماما
كريمة : شوفي أبنتي أنا را مندومش ليك لأنا لا باك وباغا نشوف ولادك قبل مانموت...
يتبع
عبد الله: ماماك عندها الحق جليلة : أماما الأعمار بيد الله وزيدون باقا صغيرة عبد الله : شوفي أبنتي الزواج سترة وخلينا نفرحو بيك ودابا خلينا ناكلو هاد الطجين ومن بعد ونتفاهمو ولد عم جليلة شوية مصرفق عايش فالخارج مكاين ألبنات و التسركيل و البيران بغاو يزوجوه باش يشد الطريق ويحس بالمسؤولية '' من بعد ماتغدااو '' حكيم : أختي جليلة مغاديش تزوج بداك خاينا نهضرو فالواقع هداك خاصو شي مصرفقا فحالو وهاد الموضوع غادي يتسد دابا نيت ومايعاودش يتذكر فهاد الدار عبد الله : الولد عندو الحق السيد حياتو كلها بنات وشراب .. كريمة سدي عليا هاد الموضوع كريمة : صافي صافي بلا غواات جليلة : اوا الحمد لله .. اوا نمشي أنا الخدمة حكيم : يالاه نوصلك جليلة : بلاش أنا نمشي بوحدي '' خرجات شدلت طاكسي من الدار في طريقها الى العمل .. وشافها منعم وصاحبو '' عباس '' خارجا من الطاكسي '' منعم : بشااااخ ع ويلي ويلي ويلي عباس : وايييه آصااط و هواا منعم : السيدة خدامة أصاحبي ممرضة عباس : وباش عرفتيها انت منعم : يا على مكلخ ساهلة .. هازة الطابلية فيديها عباس : واناري أخويا حضاي من الدرجة الأولى ههههه منعم : أخويا زوينة هاد خيتي شبان ليك نطيحها فالشبكة عباس : ياكما فيك السخانة وبطالي شمور بالدارجة وشوف غير لباسك أصاحبي متشوف فيك حتى الشوفة حاجة وحدة لي عندك هي الزين هههه منعم : هادي همزة أصاحبي هانتا قليتها الزين كاين ، اللباس ندبروه و الخدمة نديروها واخا مكايناش هانتا غدي تشوف عباس : كتخلعني أخويا هههه منعم : ههه دوز عندي بلاتي للدار أنبين ليك أنا غدي دابا عباس : صافي مشات '' مشا منعم للدار دوش غسل حالتو ، دبر الحوايج من عند ولد الجيران ولبسهوم .. وصلات لعشية عباس وصل عند منعم '' عباس : منعم واااا منعم منعم : هاهو جاي '' منعم حل الباب '' عباس : كلم ليا أخويا منعم منعم : مالك عور، منعم هادا واش مقرقب هههه عباس : واصاحبي هههههه شهادشي بشااخ موظف نيشاان منعم : ههه من اليوم الموظف منعم .. وديك خيتي أتولي ديالي عباس : نيشان أخويا
منعم تايخطط كيفاش يطيح جليلة فالشبكة ولقا الخطة .. في الغد فالصباح جليلة فطرات وشدات الطريق فاتجاه المستشفى ، ولقات منعم لابس لباس متقولش هادا راه شومور بل موظف و عندو مكانة في المجتمع واقف حدا الباب .. جليلة حادرة راسها وداخلة للمستشفى '' منعم : الأخت ؟؟ جليلة : معايا أخويا ؟ منعم : السلام عليكم بعداا جليلة : وعليكم السلام منعم : بغيتك فجوج كلمات الله يجازيك بخير جليلة : آه واخا ماشي هنا .. فالمكتب ديالي حسن '' دخل منعم للمكتب مع جليلة '' جليلة : تفضل جلس منعم : بارك الله فيك ، الصراحة معرفتش شنو نقول ليك والله جليلة : ياك لاباس ؟؟ منعم : لا والو باس .. خليت خدمتي وجيت لعندك باش نقول ليك بلي راك عجبتيني أبنت الناس جليلة : ههههههه وا زوينة هادي جاي لعندي معا هاد النبوري مع هاد الصباح شنو كتعجبيني ماعرفتيني مخطوبة معرفتيني مزوجة .. خويا راني ماشي من داك النوع ديال البنات لي كتعرف نخرج هنا مع هادا ومع واحد آخر والقهاوي شوف أخويا خليني عليك تابعني خدمتي يمكن ليك تفضل منعم : تقلقتي وانا مزال ماقلت ليك والو جليلة : شنو أتقول ؟؟ منعم : شوفي من هدرتك عرفتك مامزوجاش .. وأنا مابغيتك لا تخرجي معايا ما والو أنا عجبتيني وبغيتك أبنت الناس فالحلال .. راني ماشي من داك النوع لي كتعرفي راني خدام موظف ف البنك وماخسني خير خاسني غير شي بنت الناس لي تفهمني جليلة : '' وهي حشمانة وكضحك ضحكة بريئة '' شتي شنو يجيك مليح تابعاني الخدمة مع ديك 12:30 تسناني فهاد القهوة لي شادا على المستشفى وماغادي نمشي معاك لحتى بلاصة عجبك الحال مرحبا مابغيتيش الله يعاونك أخويا منعم : صافي موافق الله يعاونك على خدمتك جليلة : آمين شكراا بسلامة '' خرج منعم من المستشفى ودار ضحكة شريرة وتيقن بلي 25% من الخطة ديالو تحققات ''
وصلات الوقيتة وتلاقاو وبداو الموضوع '' منعم : كيف داز صباحك ؟ جليلة : الحمد لله بخير '' كل واحد بدا يعرف راسو على الآخر .. وبطيبعة الحال كاع داكشي لي قال منعم كلو كذوب وهي على نيتها مسكينة دايرة فيه الثقة ويتقات كل كلمة قالها ورتاحت وقالت ربي جاب لي ولد الناس أخيراا .. وما خفي كان أعظم .. بقاو كيتلاقاو أسابيع وجليلة عايشة فكذوب منعم اولات مكتخيلش النهار واحد مايتلاقاوش فيه .. وصاحبنا منعم كالس كيسلف فالحوايج كالعادة ويصاوب فهدرتو الحلوة لي فتنات جليلة.. وتيقن بلي الخطة وصلات للنصف ولما لا بل قربات تكمل وهوما جالسين فالقهوة قالت جليلة '' جليلة : منعم خاصك تجي تهدر معا مالين الدار ف موضوع الزواج شغايقولو علينا الناس الا شافونا ولا شافني شي صاحب خويا مشاكيل أيبداو منعم : '' بدا يصفار ويحمار '' وحبيبة بغيتك تجي تشوفي الواليدة رااه كتسناك غير فوقاش أتجي وتشوفيها وفرحات بلي أنتزوج أخيراا جليلة : ولكن .... منعم : مكاين بو ولكن عفاك لبي ليا هاد الطلب والله حتى غدي تفرح جليلة : مممم صافي واخا منعم : يخليك ليا غدا مور الظهر أندوز عندك ونديك جليلة : صافي ان شاء الله '' وهنا جليلة أتمشي لجهنم برجليها .. '' '' في الغد في الصباح فاقت جليلة وحسات بشي حاجة فخاطرها ماشي هي هاديك '' جليلة : ياربي شهادشي .. الله يكتب مكاتيب الخير كريمة : جليلة أجي أبنتي تفطري جليلة : واخا أماما أنا جايا '' فطرات جليلة ولبسات حوايجها .. وشدات طريقها للمستشفى '' '' وخونا ابليس بغيت نقصد منعم كيتسنى الخطة تكمل اليوم نخليكوم تكتشفو شنو غدي يطراا .. '' '' منعم و عباس كالسين فالدرب كالعادة '' منعم : عباس كتعرف الدار ديال با التهامي الله يرحمو ؟ عباس : واش انت مريض ورا كنت كنتسخر ليه مسكين وكيتهلا فيا اييه شكون ينسا داك السيد منعم : ديك الدار سنين مجا ليها شي حد ياك ؟؟ عباس : ورا معندو حد داك السيد راه قالي ولادي رماوني هنا الله يخلصهم وخلا ليا مسكين الساروت ديال الدار كنبات فيها مرة مرة منعم : عباس سيييير أخويا الله يزوجك هادا على من كنقلب عباس : لقينا حتى الخدمة أصاحبي هههه ولكن شنو هو هادشي ؟ منعم : الساروت ألكالاخ هههه الا عندك دابا أراه ليا عباس : هاهو .. ياكما باغي الدير شي قصارة بلا بيا هههه منعم : دابا يوصلك الخبار عباس : صافي عنداك تلف السوارت راه الدار ناضيا مفرشة يا سلام منعم : صافي العز أخويا أنا مشيت دابا تهلا عباس : تهلا أخويا '' منعم داكشي لي مخطط ليه راه غادي مزيان .. وصلات الوقيتة لي دار معا جليلة وتسناها حدا المستشفى و داها لعند الأم ديالو كيف دايرا فبالها جليلة ''
وصلات جليلة ومنعم للبلاصة المعلومة '' جليلة : منعم ماماك ساكنة هنا فهاد الدار حشومة عليك تخليها هنا و القنط و تا حد مكاين هنا منعم : هانتي كاتشوفي عييت معاها البرطمة موجودة تسكن معايا فيها مابغاتش '' وصلو للدار '' منعم : زيدي دخلي عند عجوزتك ههههه (سد الباب بالساروت ) جليلة : علاش سديتي الباب بالساروت منعم : هههههه واا مكلخة انت مكاين لا الواليدة لا الواليد بصيغة واحدة أخرى غيير أنا وياك وبوحدنا وتا واحد مغايصدعنا جليلة : منعم حل الباب خليني نمشي بعد مني عفااك منعم : هههههههه واش صحابك دخول الحمام بحال خروجو ههههه ناخد داكشي لي بغيت و الله يعاونك خخخخخخ جليلة : الله يرحم ليك الوالدين (وهي كتبكي) خليني نمشي الله يخلي ليك ميمتك عفاك أخويا نبوس ليك رجليك خليني نمشي دير ختك بلاصتي عفاك أخويا لفلوس لي بغيتي نعطيهم ليك غي خليني نمشي الله يرحم ليك الوالدين منعم : مسكينة بقيتي فيا .. هههه معنديش ختي غير تهناي '' مشات جليلة كتجري الباب كضرب فالباب ولا من مجيب .. شدها من الشعر .. صرفقها ، غيبات ، وبعد ما فاقت كانت الصدمة والفاجعة و الموصيبة ، الشرف ديال جليلة مشا ضاع كلشي وبهول الصدمة بقات كتبكي وكضحك '' جليلة : لا لا ميمكنش كنحلم فيقي أجليلة واش حماقيتي منعم راه ولد الناس فيقي فيقي فيييييييييييقيييييييييي أجليلة علاااااااااااش أربي علااااااااش أربي علاااش أربي '' وغرقات فدموعها '' '' منعم مشا كيجري هربان وخلا جليلة فديك الدار .. وشافو عباس ومشا كيجري عندو '' عباس : مااااااالك أصاحبي ؟؟؟؟؟؟؟؟ منعم : عباس الواليد أمانة عندك '' ومشا كيجري '' عباس : مال هاد خينا هادا شدار '' مشا كيجري للدار ديال با التهامي '' '' وماهي الا دقائق و وصل للدار وكانت الصدمة شاف ديك الممرضة شدار فيها منعم ولي مابقا ليها والو وتحماق '' عباس : علاش أخووياا منعم شدااني نعطيك الساروت علاااااااش أخووويا و كون كانت ختك واش تبغيها ليها واا ربي شغندير دابا '' صونا على البوليس وعطاهوم العنوان وقاليهم البنت ها شنو وها شنو وبطبيعة الحال ماباعش صاحبو .. من بعد ماسالا هرس كارط سيم ديالو (النمرة) وهرب ''
وصلو البوليس ومعاهم الإسعاف .. وداوها أولا للمستشفى .. وبقاو البوليس فديك الدار ربما يلقاو شي حاجة على لي دار هادشي .. مالقاو والو فالدار .. ومن بعد ما تهدنات شوية جليلة بقاو كيسولوها على شكون لي دار فيك هادشي .. كاتجاوبهوم '' جليلة : تقت فيه .. صحابني راجل .. تقت فيه .. صحابني ولد الناس البوليس : عاونينا باش نلقاوه الله يخليك '' عطاتهوم جليلة جميع التفاصيل .. ومشاو على وجه السرعة باش يقلبو عليه ساعة كاع داكشي لي قالت مكاين منو والو كدب عليها فكولشي مشاو البنك والو مكايناش هاد السمية كاع .. حتى من الدار ديال با التهامي كاينة فالخلاء الناس عارفين بلي داك السيد هو لي ساكن تما وتا حد من غيرو .. صاقت العائلة الخبار كولشي تصدم كلشي أيحماق مشاو عندها للمستشفى '' كريمة : الله أبنتي الله .. الله أبنتي الله شبابك أبنتي مشا الله يا ربي صافي .. ضحكو علييك الذئاب أبنتي '' جليلة غيير كتبكي '' .. '' الاب كيبكي كيف الدري الصغير على بنتو جليلة و حكيم خوها غيير ساكت ومصدوم .. كيهدر معا البوليس وعطاوه كاع المعلومات ولكن بدون جدوى وكلو الاأمر لله ولكن التحقيق بقى مفتوح .. ومن بعد 15 يوم مات الأب ديال جليلة من بعد الفقصة .. وزادت تعدبات العائلة بسباب هادشي وزادت تعدبات جليلة وحملات راسها المسؤولية فموت باباها .. يعني العائلة تفرتكات .. دازو سنين على هادشي ولا خبار لا والو بقاو على هاد الحال .. بلا شك بغيتو تعرفو شنو طراا لمنعم .. هادشي لي غنعرفوا فالجزء الموالي ''
منعم من بعد مهرب من ديك لمدينة نسا كلشي بحالا مادار والو الواليد ديالو وصلو خبارو بلي توفا وهانية عندو .. منعم خدم فالبني ومنها نيت فالليل كيكون عساس على السلعة ومعا هو كان حرايفي فهادشي فكون كان شومور كان مرة مرة كايخدم فالبني الطاشرون ''مصطفى'' عجبو '' مصطفى : خدمتك زوينة .. فين تعلمتي هادشي ؟؟ منعم : الله يفحفظك .. وغير معا لعشران ويامات التشومير ههههه مصطفى : هههه شتي انت أتوصل بعيد ويلا بقيتي معايا أتوصل منعم : الله يحفظك .. وهاانا معاك '' منعم بقا معا داك الطاشرون حتى وصل لقمة الاحترافية ومعا المدة ولا هو الطاشرون والملاين كيدوزو على يديه .. ومن بعد ماوصل لهاد المرحلة قرر يتزوج .. وهادشي لي كان تزوج ودار عراسية يا سلام فرحان وعايش الحياة وجليلة باقا كتعدب مسكينة .. ومن بعد الزواج رزقو الله ببنت '' منعم : ويلي ويلي بنتي ... هههه نعيمة (زوجة منعم) : هههه الزين تيولد الزين هههه '' و ديك البنت ماهي إلا عقاب من الله عز وجل عطاها ليه الله باش يدوق العذاب لي داز على الاب ديال جليلة .. كبراات قدام عينيه دخلها لأحسن مدرسة .. بنتو كبعض الفتيات مكاين غير الدراري والخروج من قهوة لقهوة ودوز من هادا لهادا .. حتى شاء الله وطراا كييف طراا لجليلة ، سبحان الله .. دري من دوك الدراري لي كتعرف بنتو بقا عليها بالحيلة حتى داها لواحد الدار بحجة العائلة باغا تشوفك .. السيناريو ديال جليلة تعاود معا بنتو .. وشرف بنتو مشا كيف مشا شرف جليلة .. ونزل الخبر كالصاعقة وأول حاجة قالها ''
منعم : هادا عقابي من الله نستاهل نستاااااااااااااهل نعيمة : واهيا داك الراجل أش درتي أولد الحراام '' عاود ليها كلشي '' منعم : سمحييييلي أبنت الناس سمحيييلييييي -وبقا تيبكي- نعيمة : دابا غدي طلقني دابا نيت والله منعيش معاك ثانية تريكت لوسخ وابنتي والله لا كلسات معاك '' المشاكيل نزلو عليه فدقة وحدا '' شرف بنتو .. الطلاق .. وحياة من هنا القدام فيها غيير المشاكيل ودخل الحبس من بعد ماسلم راسو البوليس وعرف الدنب لي دار خاسو يتعاقب من بعد هاد السنين وهو هارب .. وجليلة لي مشا ليها شرفها سهل عليها الله وتزوجات مع واحد ولد الناس نساها مدااز عليها واخا عارف قصتها حيت بصح كاينين ولاد الناس كيف كانين ولاد الحرام '' هادي هي القصة لي بغيت نشاركها معاكوم بغيت نقول في الختام : '' واش صحابكوم الله سبحانه وتعالى مكايشوفش راكوم غالطين .. ان الله يمهل ولا يهمل ، بنت بريئة فحال جليلة شنو ذنبها حتى تدي ليها انت شرفها حط ختك فداك الموقف .. مكايناش اختك كاينة بنتك راه باقي اتزوج وغادي تعاقب ف الدنيا وكيتسناك عقاب عاوتاني فالآخرة متنساش أخويا الله يجازيك بخير .. وميساج البنات كذلك وفيقو شوية من الGلبة راكم فالدنيا ماشي جنة و الله يبعد عليكم ذئاب كيف هادو شدو فالله عز وجل ومغاديش تخيبي الدنب لي دارت جليلة تاقت فيه .. راه لي باغيك أيجي لدار بابك نيشان أختي مكاين لاخرجي معايا لا والو والخطوبة لي كيديرو الناس هيا فاش كيتعرفو الكوبل بيناتهوم ماشي القهاوي و الدوران والله يهدي لجميع هادا مكان نتمنى تكون عجباتكوم القصة هدفي أن هي العبرة تاخدوها والسلام عليكم

النهاية
Read more
مرسلة بواسطة في 2:54 م ليست هناك تعليقات: Edit